Popular Bible Verses from Uraat To Yes Mbaŋooŋa 9

Share

Eemon Tiina toit isaav pani muul ighe: “Mako. Ula. Pa ŋeer tawe, yau taug nasiigho wa to imin uraata tsiau ariaaŋa ee. I pale ivotia varug ila nugh nugh naghozi. Yes tau Yuda mako na, ve yes kinik, ve yes Israela paam.

Tauvene Saul iburig tomania tamtamon tooni siriv gha tipul Yerusalem, ve tila pa Damaskus. Tilaghlaagh tila le tigharau Damaskus, ra mbonari tiina igheen sambam ve izilam, le isul livutin Saul. Tauvene itap izi taan, ra ilooŋ ŋeer ee aliiŋa. Isaav pani ighe: “Saul, Saul, puughu mindai ta unoknok ghuruuŋ pataŋani payau?” Saul ighasoni ighe: “Tiina, yo sei?” Ŋeer tawe iyol aliiŋa ighe: “Yau Yesu. Yau taug ta unoknok ghuruuŋ pataŋani payau ne.

Tauvene Ananias iburig, ve ilaagh ila ivot ruum to Yudas, ve iloŋ ila. Ila peria to Saul, ra ighur niima izala Saul paavo, ve isaav pani ighe: “Tazig Saul, Tiina toit Yesu tau ivot tsio izi eeze, i ighe yo ughita nugh muul, ve Avuvu Patabuyaaŋ izeev ghom. Tauta imbaaŋ ghau nalam.” I isaav tauvene, ve rekia mon gabua imin iigh anavu tau ipoon Saul maata na itap izi, ve ighita nugh muul. Ra iburig, ve igham yaa pataghaaŋ.