‘Ula to yes zeran tawe ve usaav pazi tauvene: “Yam pale aloŋlooŋ saveeŋ. Eemon irau aghazooŋ pani mako.
Ve yam pale aghitghita gabua. Eemon irau aghilaal puughu mako.”
Pasaa, zeran tawe, ŋgar toozi iyaryaaŋ kat.
Taliŋazi tiloŋlooŋ saveeŋ mako. Ve tiponpoon matazi paam, leso tighita gabua sov.
Ve imin ta lolozi pa ghitooŋ gabua ve loŋaaŋ saveeŋ,
kanaŋ tighilaal, ve titoor ŋgar toozi imuul ilam payau,
leso nauul zi tileep poia muul.’ ”