Popular Bible Verses from OVAROMA 14

Share

Osheshi ouhamba waKalunga kau fi okulya nokunwa, ndelenee ouyuki, ombili nehafo mOmhepo Iyapuki. Ou ta kalele Kristus moinima ei, a wapalela Kalunga, novanhu ve mu hokwa yo.

Osheshi ngeenge hatu kala tu nomwenyo, ohatu kalele Omwene, ile ngeenge hatu fi, ohatu file Omwene. Osho hano ngeenge tu nomwenyo ile hatu fi, ofye ovOmwene.

Tu lalakaneneni hano eshi tashi hapupalifa ombili netungafano.

Hano inatu tokolafana vali, ndele pangeleni omhangela nokuli muha tulile omumwaxo oshinima shehaulo, ile shokupundukifa mondjila yaye.

Shaashi pa shangwa: “Oshili, ngaashi Ame ndi nomwenyo, Omwene ta ti, omunhu keshe e nokutwa eengolo koshipala shange, nokeshe tuu elaka oli nokuhambelela Kalunga.” Onghee hano keshe umwe womufye e na okulihokolola ye mwene kuKalunga.

Ndele tambuleni omwiitaveli oshingone, mu tambuleni, nye inamu patafana omadiladilo e lili noku lili.

Oove lyelye eshi ho tokola omupiya wamweni? Ota kalele ofika mwene waye, ile a wile po. Ndele ota ka kala e li ofika, osheshi Omwene e neenghono oku mu kaleka ofika.