Popular Bible Verses from OMAPSALOME 119

Share

Ondjovo yoye oyo olamba yeemhadi dange, nouyelele mondjila yange.

Ondjovo yoye onde i tuvikila momutima wange, ndiha nyone kwoove.

Ondjila ilipipo i nokweendwa komumati, a kale omukoshoki? Ongeenge te liyandje meulikilo londjovo yoye.

Ovanelao ovava tava diinine omalongo aye, ndele tave mu kongo nomutima aushe

Oove eameno lange noshikelelifo shange, mondjovo yoye ohandi tula elineekelo lange.

Nongopalife nge, ndi shiive okuwanifa omhango yoye, ame ndi i lalakanene nomutima aushe.

Omutima wange u ehenifa komahepaululo oye, oo uha ehene kolwisho lemona loulunde.

Onawa nee, eshi nda ninipikwa, opo ndi lilonge eenghedimhango doye.

Eshi osho ehekeleko lange moudjuu wange, kutya eudaneko loye la tula nge omwenyo.

Endife nge melila loipango yoye, osheshi onda hokwa mo.

Omwene, longe nge ondjila yeenghedimhango doye, ame ndi di diinine fiyo hauxuuninwa.

omwenyo wange otau hanauka koisho. Petule nge po pandjovo yoye.

Omhango yoye ondi i hole shi fike peni! Efiku alishe ohandi i dilonga.