Popular Bible Verses from OMUUDIFI 9

Share

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.

Natango nda mona koshi yetango nokutya, okutondoka shanamutete kaku li mepangelo laau e nonhapo, haita mepangelo lovakwanyati, hamungome mepangelo lovanaendunge, haupuna mepangelo lovanamayele, hahokwe mepangelo lovanongo, ndelenee efimbo nesheyelo tali pangele aishe.

Hafifa omwenyo pamwe nomwalikadi woye ou u mu hole, omafiku aeshe omokukalamwenyo kwoye epwanga, okwo Ye e ku pa koshi yetango, heeno, omafiku oye aeshe oongahoelela. Osheshi osho oshitukulwa shoye mokukalamwenyo kwoye nomoshilonga shoye, osho to shi longo noudjuu koshi yetango.

Inda hano u ka lye nehafo omungome woye, ndele nwa omaviinyu oye nomutima wa nyakukwa, osheshi Kalunga okwa hokwa nonale oilonga yoye.

Ounongo u dule oilwifo yomoita, ndelenee omulunde ta nyono po oinima ihapu iwa.

Eendjovo domunamayele da pwilikinwa nokumwena, di dule eweelelo lomupangeli welai.

Osheshi ovanamwenyo ove shi shii nokutya, ove nokufya. Ndelenee noonakufya inava shiiva nande osha, ndele vo vehe nondjabi vali, osheshi edimbulukifo lavo tali dimbuwa.