Popular Bible Verses from OMUUDIFI 11

Share

Omunyasha ove, kala wa nyakukwa mounyasha woye, nomutima woye nau ku hafife momafiku omounyasha woye. Ndele enda neendjila domwenyo woye, ndelenee kala u shi shii nokutya, Kalunga ote ku tokolifa molwaashishe eshi.

Ndele taataa mo oluhodi momwenyo woye, ndele kandula po omauyehame molutu loye, osheshi ehafo nounyasha yo oyongahoelela.

Ou ha tale omhepo, ita ka kuna nande; ndele ou ha tale oilemo, ita ka teya nande.

Ngaashi ino shiiva ondjila yomhepo ile nhumbi omakipa taa kulu mo medimo lomufimba, nosho ino shiiva oilonga aishe yaKalunga.

Ombuto yoye i kuna ongula, ndele ino tulumukifa eke loye komatango. Osheshi ku shi shii, ilipipo tai ka mena, oyo ile inya, ile ngeenge aishe ivali tai ka kala ya wapala.

Oshitukulwa shi yandjela vaheyali, heeno, vahetatu yo, osheshi inamu shiiva omupya washike tau ka kala kombada yedu.