Popular Bible Verses from OILONGA YOVAYAPOSTOLI 1

Share

ndelenee nye otamu pewa eenghono, Omhepo Iyapuki ngeenge tai uya munye, ndele tamu ka ninga eendobwedi dange muJerusalem nomuJudea ashishe nomuSamaria nofiyo okominghulo dounyuni.”

Ye okwe va nyamukula, ta ti: “Kashi fi sheni okushiiva omafimbo ile eetundi edi Tate e di tula po meenghono daye mwene

Ndele eshi a kala pamwe navo okwe va lombwela vaha dje mo muJerusalem, ndelenee va teelele ewanifo leudaneko laXe, olo mwe li uda kwaame, ngaashi a tya. Osheshi Johannes okwa shashele nomeva, ndele nye otamu ka shashwa nOmhepo Iyapuki omafiku amwe eshi a pita po.

konima yomahepeko aye okwe ve lihololela yo nomadidiliko mahapu nokutya, Oye omunamwenyo, eshi e ve limonifila omafiku omilongo ine ndele te va hepaululile oinima youhamba waKalunga.

Opo nee eshi a tonga eendjovo edi, okwa yelulwa pombada moipafi yavo, noshilemo she mu kufa po momesho avo.

Ndele fimbo va li tava lyaamene keulu, eshi ta i, tala, ovalumenhu vavali va djala oikutu itoka ova fikama puvo, ndele tava ti: “Ovalumenhu nye Ovagalilea, oshike mu li ofika ndele tamu tale keulu? Jesus tuu ou e mu kufwa a ya meulu, osho tuu ngaha ta aluka ko, ngaashi mwe mu mona a ya meulu.”