Popular Bible Verses from मती 24

Share

अधरम बढावओ चलते अगम होड़कु रआ दुलार घटावओ। बकिन जे अखरी हमाः टिकाव ओय हिनी ही पाप एतेन बंचावओ।

सिरमा राइज रआ बढ़ियाँ दुखमा गोटा दुनियाँ रे जोटोः गोटे जाइत रे तआ गोवाही रआ रुप ते परचारेए, तब ही अखरी होयावओ।”

आपे जब लड़ाइ रआ घोल जोटोः लड़ाइ रआ खभार पे अयुमेंए, अलोपे बोरोकोः, नोंका दो होयावओ ही बकिन नहाः अखरी का वेज्‌तना।

जोटोः गोटे जाइत एटाः जाइत रआ बिरोद रे जोटोः मियड् राइज एटाः राइज रआ बिरोद होयावओ कथायकु। जोटोः ठाँव-ठाँव अकाल होयावोः जोटोः ओत हिलहोयोओ। बकिन नोआदर गोटा दुखमा दो सिरीप दुख रआ बुहड़ी होयावओ।”

चहे आकास जोटोः धरती टलाव एंडायोओ, बकिन इञः रआ बचन उकेड् हों एरो टलावना।”

चितानतआचि अगम होड़ इञः रआ ञुमुन ते वेज् कोते अगम कथायकु ‘इञः मसी हके’ मेनकेते अगम होड़कु भरमाव कुआकु।

“होना बेरा होड़कु आपे एर सब् पेआकु जोटोः सताव पेआकु, जोटोः हुँकू आपे गोज् पेआकु। इञः ञुमुन चलते गोटे जाइत आपे सुधाकु बयरेआ। होना बेरा अगम होड़कु ठोकोर जोमेअकु; हुँकू एटाःकु एर सब् कुआकू जोटोः एक दुसरे रे घीनाव ओपड़ेञ ञोआकु। अगम परमेसर पड़ा एतेन दुखमाय अवला कथा केते ठ-ठकु पड़ीयोओकु, जोटोः अगम ठक कथाकेते अगम होड़कु बहकाव कुआकू।

ईसु हुँकू कथा रुवाड़वा लअय, “चँड़चित दोहोनपे! आपे ओके हों अलोकु भरमाव केपे।

हिना तआ आपे तेयार दोहोनपे, चितानतआचि जे बेरा आपे कपे सोचावेए हिना बेरा मनवाँ होपोन वेज् एंडायोओय।”

“हिना तआ जगल दोहोनपे चितानतआचि आपे कपे ठुवावना चि आपे रेनि परभु ओका हिला वेजोअय।

“होना दिन चहे होना जुवार रआ बारे ओके हों ककु ठुवावना; न सिरमा दुत जोटोः न होपोन। सिरीप परम बबा परमेसर ठुवावना।

चितानतआचि ठक मसी जोटोः परमेसर पड़ा एतेन दुखमाय अवला कथा केते ठ-ठकु अवला दिसतार रोओकु, जोटोः नोंकन-नोंकन चिन एरञेलेअकु जोटोः अचराज काम करावेआकु चि होयव सकावोओ रींबड़ लिड्कु हों बहकाव कुआकु।

जे लेका नूह रआ बेरा रे होयाव दोहोलेना, हेनेन लेका मनवाँ होपोन रआ वेजोः बेरा रे हों होयावओ। जे बेरा हमिज् नूह जहाज रे काय देज्‌ना, होना दिन हमीज् होड़कु जोमोः ञुयोः नाकु जोटोः हुँकू रे बियाह होयाव इञोःना, जबरे दअ-प्रलय का वेज्‌लेना, जोटोः हुँकू जबरे गोटे काय तू इदी लीड्कु तब रे ओके तआ हों पता का चलाव लेना। मनवाँ होपोन रआ वेजो घनी हों हेनेन लेका होयावओ।