Popular Bible Verses from दिस.वचन 11

Share

आउर सातवाँ दूत तुरही ओङ लःअय, दो सिरमा रे ढेर सबद आयुमोः ताना जे जोर से कंहड़ी केनाकु “दुनिया रेनअः राईज आबु आली परभु परमेसर आला, आउर हुनी आली ख्रीस्त आला हुयाव ना। आउर हुनी जुग-जुग राईज केआय।”

एटाअ जाईतकु खीस नाकु, बकिर आम आला खीस हीःग ना आउर होना बेरा हीःग सोदोर ना, ची जब गोएःग उनकु आला नेयाय हुयाव कोआ, आउर आम आलकु बंधाउवा, आम आलकु आगमजानी आउर आम आलकु पबितर होड़कु के आउर हुंकू छोटे-बड़े कु के जे आम आला नुमू तरअः बोराकु बानी एमाकु, आउर धरती के ननासकु के नास कु।”

आउर ईङ अपन बरहोंड़ गोवाह के नोःआँ हक एमा किनिङ, ची सोक रेनअः गेन्दरअ उयु केते मि हजार बार साव साईठ दिन जगुत आगमजानी येकिन।

आउर पे रोज मि-बेला तरअः तयोम परमेसर पखी तरअः जिनगी रअः आतमा हुंकिन रे बाईसाव ना, आउर हुंकिन अपन जांगा रअः सवांग रे तिंगुअ नाकिन, आउर हुंकिन के नेनेलकु रे अजम बोर भिनाव ना

नुकिन के हक एदनाआ ची सिरमा के जपु:डेकिन, ची हुंकिन आला आगमजानी हिला रिंबील तरअः दाअः आलु गामा के, आउर हुंकिन के जामे दाअः रे हक एदनाआ, ची होना के मयोम बनायकिन, आउर जे बेरा चहाअ किन हिमीन बेरा धरती रे किसीम-किसीम रअः बिपाईत किन अगुय।

नुकिन बनार गोवाही होना जैतुन रअः सिंङ आउर बरिया दीया खुंटा हेके, जे गोटा दुनिया रिनी परभु मड़ांग रे तिंगु ताही नोआकिन। आउर जदि जाहें हुंकिन के तहस ननहस नामकु, दो हुंकिन आला आहा तरअः सेंगेल उडुंग केते हुंकिन आलकु बैरी के जिराव कुआय, आउर जदि हुंकिन के जाहें हराकाईत नामाकु दो जरूर निआँ लकान गी गोएःग चिन कोआकु।