Popular Bible Verses from फिलिप्पी 4

Share

जाहान बात रअः आलपे चिन्ता के, बकिर जामा दरकार रे बिनती पे आउर धन्यवाद लोः परमेसर आला मड़ांग रे अपन अरजी के उदूगेपे।

निआँ रे परमेसर पखी तरअः भेटाअः वाला सानती, जे आबु के बिलकुल समझ रे का हिजोआ आपे आला मन रे आउर आपे आला लुर के ख्रीस्त ईसु रे जतनाव दोहो केआय।

ए बोकोकु, होना बात कुन रअः धेयानेपे जे बात सचे एदनाआ, जे बात आदर जुकूर एदनाआ, जे बात उचित एदनाआ, जे बात पबितर एदनाआ, जे बात सोभा एमोअ लकाना, जे बात मन के सोभा एमोअ वाला एदनाआ, माने कि जाहान होः एटाअ गुन चाहे जहान परसंसा बात एदनाआ होना रे धेयानेपे।

जे ईङ के सवांग एमेआय, ईङ हुनी आला मदाईत तरअः जामा कुछ कामी दाड़ी किईंग।

आपे परभु रे जामा बेरा खुस ताहिन पे। ईङ फिन कंहड़ीईङ, खुस ताहिन पे!

ईङ आली परमेसर होः अपन होना धन रेनअः मोताबिक जे महिमा सहिंत ख्रीस्त ईसु रे एदनाआ, आपे आला जामा घटी के पुरा केआय।

आपे ईङ तरअः जे सिखाव नेनापे, आउर गरहन लिंङापे, आउर आयुम लआपे, आउर ईङ रे नेल लआपे, होना के पालानेपे। तब सानती रिनी परमेसर आपे लोः ताही कोआय।

आम आला सलोर के जामा होड़कु रे दिसतार चिमें। परभु हेनाडाय।

ईङ लंगा-तंगा बेरा रे होः ताहिनोः लःअय होः पड़ीईंग, आउर नोःआँ होः पड़ीईंग ची भरल-पुरल दसा रे एता लकान ताहिनोः एदनअ। काईसनो बेरा ताहिनोआँ आउर काईसनो होः दसा चाहे लाहीःग पेरेःग चाहे रांगेःग, चाहे हेनाःड रे ढेर जिनीस ताहिनोअ चाहे एतान होः का ताहिन, ईङ होना जामा रे सुख से ताहिन लःअय सिखाव तानिङ।

जहान दरकार रअः चलते ईङ नोःआँ काईंग कंहड़ी ताना। एता लःअय ची जहान लकान दसा रे होः ईङ ताहिनोईंग, ईङ हिना रे सान्तोक ताहिनोः लःअय सिखाव तानिङ।