Popular Bible Verses from याकुब 1

Share

बोको बोयहाकु, जब आपे कइक बरान रअः परीकछा रे पड़ाआपे, दो अपने के धनया समझाः पे, एता लःअय ची आपे नोःआँ पाड़ी आपे ची आपे आला बिसवास जब परीकछा रे पड़ाआ दो होना तरअः पुरा डिड़ सिरजाआ।

जदि आपे मेसे जाहें एड़े बुधी रअः घटी एदनअ, दो हुनी परमेसर तरअः बिनतीये आउर हुनी के बुधी भेटाव कोआ, एता लःअय ची परमेसर बेगर डपटाव ते हियाखुईल जामाकु के एमा कुआय।

ए ईङ आलकु दुलार बोको बोयहाकु, आपे नोःआँ बढ़ियाँः केन समझाव कोअपे। हरेक होड़ आ-आयुम लःअय कनचित ताहिन पे, बकिर क-कंहड़ी रे आउर खिसोअः रे मधीमोः पे।

डिड़ के अपन काम पुरा कमीः चिपे जेकर से आपे पुरा आउर सिध जुनोःपे आउर आपे एड़े जहान बात रेनअः घटी आलु ताहिनोः।

परमेसर आला बचन रअः सिकछा रे चलाअ अवला बनाअः पे ना ची सिरीफ आ-आयुम अवला। जादि आपे आ-आयुम वाला भाईर हेके दो आपे अपने के धोखा एमेआपे।

हुनी होड़ धनया आय, जे परीकछा रे डिढ़ तहिनोआय, परीकछा रे खरा उडुंगोआय, एता लःअय ची हुनी के जिनगी रअः होना मुकूट भेटाव कोआ, जेके परमेसर अपन दुदुलार कु के एमोः रअः वादा तदाय।

एता लःअय ची जामा बेस दान आउर सिध बराकाईत तेङ तरअः भेटाआ, आउर सिरमा रिनकु मरसाल कु आली बाबा परमेसर पखी तरअः भेटाआ, परमेसर रे ना दो जहान होः बदली कोआ, आउर ना अदल-बदल रअः चलते होना रे ऊम्बुंल कोआ।

जे होड़ वचन भाईर आयुमेआय, बकिर होना मोताबिक काय चलाआ, हुनी, हुनी होड़ लकानाय, जे आयना रे अपन मेःड-मुहांड़ के नेलेआय, हुनी अपने के बेस केन नेलेआय आउर जब होनाःड़े तरअः सेनोः जुनोआय दो तुरते रिड़िःग गोअः तआय, ची हुनी एता लकान नेलोअः केनाय।

परम बाबा परमेसर आला मड़ांग रे सुध आउर बेकासुर भकती हिना हेके, जे टुरा कु आउर राँड़ीयाहीकु के हुंकू आला बिपाईत रे मदाईत कुआकु आउर अपने के दुनियादारी दाग तरअः बंचाव दोहोयाकु।

प-परीकछा बेरा ओके के होः नोःआँ कंहड़ी कोवान चाही ची “परमेसर ईङ के लोभाव दिङाय,” एता लःअय ची गदुस रेनअः लोभ रे परमेसर एरे पड़ाआ आउर हुनी ओके के होः लोभ काय एमा कुआ। बकिर जामा होड़ अपन गदुस इकछा रे ओर केते आउर दाअः केते परीकछा रे पड़ाव जुनोआकु।

गिराल-पराल बोको-बोयहा परमेसर तरअः भेटाव उना अपन सेंड़ा पद रे घमान्डे कु।