Popular Bible Verses from गलाती 6

Share

हिना लःअय एला आबु भलाई का-कामी रे हिम्मत ईरबु हराआ, एता लःअय ची जदि आबु मजगुत बनाव ताहिनोआबु, दो बेरा सिरे ईर केआबु।

हिना लःअय जब तक आबु के मोका भेटाअः ताना, आबु जामाकु के बेस एका कुआबु, खास केते हुंकू होड़ आला जे बिसवासी रेनअः चलते आबु आलकु घराना रिनकु हेके।

आपे हुनी-नुई आला बोझा के उठायपे, आउर नोःआँ लकान ख्रीस्त आला कनहुन के पुराय पे।

धोखा आलपे जोमके, परमेसर के आलपे ठट्ठाउई, एता लःअय ची होड़ जे कुछ हेरेआय, हिना ईर केआय।

एता लःअय ची जे अपन होड़ो लःअय हेरेआय, हुनी होड़ो रअः चलते नासोः रअः ईरोअ के ईर केआय, आउर जे आतमा लःअय हेरेआय, हुनी आतमा रअः चलते का-अन्तोः जिनगी रअः ईरोअ के ईर केआय।

ए बोको बोयहाकु! जदि नोःआँ पता चलाअ ची जाहें होड़ जहान गुनाह तदाय, दो आपे जे आतमा रअः अगवाई रे चलाआपे, हुनी के नरम भाव रे सुधराईपे। आपे खुदे चौंचित ताहीनपे ची आपे होः परीकछा रे आलपे पड़ाव कोअ।

एता लःअय ची जदि जाहें समझाआय ची ईङ एटाअकु तरअः बेस एदानिङा, जबकि हुनी नोकान कनिया, दो हुनी अपन के धोखा एमेआय। बकिर जामे झन अपन काम के खुद जाँचाय पे, तब हुनी के एटाअ होड़, जे काम कराव तदाय होना लो: तुला केते कोवान बकिर अपन काम रअः बारे रे घघमंड रेनअः मोका भेटाआ। एता लःअय ची जामा झन अपने गी काम रेनअः जिमेदारी उठाव केआकु।