Popular Bible Verses from इफिसि 6

Share

एता लःअय ची आबु आला लड़ाई सिकार आउर मयोम तरअः कोवान, बकिर स-सासन वाला अधिकारीकु आउर नोःआँ अंधार दुनिया रिनकु हाकिम, अगुवाकु, आउर सिरमा रिनकु खपतान आतमिक पलटनकु लोः एदनाआ।

आपे जामा बेरा आतमा रे जामा बरान रअः बिनती आउर आरजी एकाय पे। आपे बिरिःड एकान पे आउर जामा पबितर होड़कु लःअय लगासते बिनती एकाय पे।

आपे परमेसर आला जामा हांथेयार के सोलोंगेपे, जेकर से ची आपे सैतान आला चलाँकी राअः मड़ांग तिंगु सकाअ पे।

हिना लःअय आपे परमेसर आला जामा हांथेयार के सोलोंगेपे, जेकर से ची का बेस दिन बेरा समना दाड़ीपे, आउर आखरी जगुत अपन काम के पुरा केते असथीर ताही दाड़ीपे।

नोःआँ जामा लोः साँघे बिसवास रअः ढाल इदी केते तेयार ताहिन पे, जेकर से ची आपे खपतानकु आला जामा जुलोअ सार के इड़िःग दाड़ीपे। आउर उधार रअः टोप आउर आतमा रआ तलवाईर, जे परमेसर आला बचन हेके, इदीपे।

हिना लःअय सचाई रे अपन मयाँग के रट-रटाउवा तोल केते, धरमिकता रअः मेड़हेःड रेनअः कुड़ताः सोलोंग केते, आउर सानती रअः बेस खभाईर सुसुनाव लःअय तेयारी रेनअः जुता सोलोंग केते तेयार तहिनोः पे।

आखरी रे परभु रे आउर हुनी आला ढेर सवांग तरअः सवांगिया बनाअः पे।

“अपन एंगा-आपा के आदर कुपे।” नोःआँ नोकान पहिला हुकूम हेके, जेकर रे मियांड वादा होः जोड़ाल एदनाआ, ची “आपे आला भाला हुयाअः, आउर आपे धरती रे ढेर दिन जगुत जिवीःड ताहिन पे।”

ए चेंगाकु परभु रे अपन एंगा-आपा आला हुकूम के आयुमेपे, एता लःअय ची नोःआँ उचित एदनाआ।