Popular Bible Verses from 1 जोहन 2

Share

आपे ना दो दुनिया के दुलारेपे आउर ना दुनिया रअः जिनीस के, जे दुनिया के दुलारेआय हुनी एड़े बाबा आला पेरेम कनोआँ। एता लःअय ची जे कुछ दुनिया रे एदनाआ होना नोःआँ हेके जे होड़ो रअः गादुस इकछा, मेःड रअः गादुस इकछा आउर धन-खुरजी रअः घमंड एदनाआ, होना जामा बाबा तरअः कोवान बकिर दुनिया तरअः हिजोआ।

दुनिया आउर होना रअः गादुस इकछा चबायोः ताना, बकिर जे परमेसर आला इकछा के पुरायाय हुनी जुग-जुग जगुत बनाव ताही नोआय।

जाहें नोःआँ कंहड़ीआय ची ईङ हुनी रे बनाल ताहिनोईंग, दो हुनी के हिना लेकन गी चलाअ चाही जे लेकन ची ख्रीस्त ईसु चलाअ केनाय।

ए ईङ आलकु चेंगाकु, नोःआँ बात के निआँ लःअय लिखाअ दिंग ची आपे आलपे पाप के, जदि जाहें पाप दाय दो बाबा दुबाःड़े मियांड मा-मदाईती एदानिया, माने कि धरमी ईसु ख्रीस्त।

जाहें कंहड़ीआय ची ईङ हुनी के पाड़ीईंग आउर हुनी आला हुकूम रे काय चलाआ, दो हुनी झुठा एदानिया, आउर हुनी एड़े सचाई कनोआँ।

जदि आबु हुनी आला हुकूम के मनाआबु दो हिना रिगी पता चलाआ ची आबु हुनी के पड़ीआबु।

जे कंहड़ीआय ची ईङ इंजोत रे एदानिङा आउर अपन बोको तेके घिड़ोआय हुनी नहाअः जगुत अंधार रे एदानिया।

झुठा ओके हेके? हुनी, जे ईसु के ख्रीस्त काय मनाआ। हिनी गी ख्रीस्त बिरोधी हेके जे हुनी आपाते आउर होपोनते बनाहोड़ के इनकार किनाय।

जे होपोन तेके काय सिवकारिया, हुनी एड़े आपाते कनिया। जे होपोन तेके सिवकारियाय, हुनी एड़े आपाते एदानिया।