Popular Bible Verses from 1 कुरिन्थी 11

Share

निआँ लकान बियाड़ी जोम तयोम हुनी अंगुर रस रअः कटोरा इदी केते कंहड़ी लःअय, “नोःआँ अंगुर रस ईङ आला मयोम हेके, आउर ईङ आला मयोम तरअः परमेसर ढेर होड़कु लोः नावाँ करार तोल केआय। अंगुर रस नु यापे दो, ईङ के उ-उईहार लःअय नुयपे।” नोःआँ लकान जब-जब आपे नोःआँ लाःड जोमेआपे आउर नोःआँ अंगुर रस के नु यापे, दो परभु आला हिजोअ जगुत हुनी आला गोजोअः रेनअः परचारेआपे।

एता लःअय ची नोःआँ बात ईङ परभु तरअः आयुम तदिङ, हिना के गी आपे के फिन दोहड़ाव ओपेअ दिंग जे निदा परभु ईसु के सःब ची केते गो-गोएःग लःअय इदी केनाकु, हुनी मियांड लाःड सःब लःअय। आउर परमेसर के धन्यवाद एम केते, केचाअ केते आउर चेलाकु के बेता लिकुआय “नोःआँ ईङ आला होड़ो हेके, जेके आपे लःअय एमाअ दिपीईंग। आपे ईङ आला याईद रे निकान एकाय पे।”

हिना लःअय पहिल रे अपन के जाँचाव केते, होना तयोम नोःआँ लाःड के जोमेकु आउर नोःआँ कटोरा तरअः अंगुर रस नुई कु। परभु आला होड़ो के बे जचाँव ते, जे अनरिती रे लाःड जोमेआय आउर अंगुर रस नुयाय, होना जोजोम-नुनू तरअः अपन तेंग रे डांड़ आगुयाय।

हिना लःअय जाहें होः परभु भोज अनरिती तरअः जोम-नुयाकु, हुंकू परभु आला होड़ो आउर हुनी आला मयोम रअः बिरोध रे पापेआकु।

आपे ईङ लकान चाईल चलाअ पे, जे लकान ईङ ख्रीस्त आला चाईल लकान चलाईंग।