Popular Bible Verses from Ilinguumamti 2

Share

Bitrus igwibi, “Baraakna Ukwaasanaay dehaay agarna. Yasuuꞌaab Umasiihiib oosmii atoomaasna! Malya tumaagnaaytuukna afoomtini. Aree Eeshuuk Imugaddasaayi miyaaw imaar tiyadna.

Aan baraah malya ilinguumiya agriisiineet toona hadiriini jillaay igarooyeehna waasiyaan. Bareeh araweesamiyaana, hadhiib ikitꞌana, aree hiddaab sileeliyaan.

Baraah kassaah Eeshuuk Imugaddasaayee itabna. Wari bhali hadiidiyaan. Aree Aashuuk Imugaddasa hadiidisiyaaneeb ibhaliyeeka hadiidiyaan.

Gaalhoob, hiss akra baraam tꞌiiti tibreetee eeyaayt, oogaw hooy iifiineeb itib. Malya nꞌeeti miidalab tari balool kasteeh teejha beeti hiireeriin rhiyaan. Gaalka aree miidalaab kehii ingad. Baraah kassaah Eeshuuk Imugaddasaayee itabna. Wari bhali hadiidiyaan. Aree Aashuuk Imugaddasa hadiidisiyaaneeb ibhaliyeeka hadiidiyaan.

Kassoohoob udiini gawi hooshiib hiddaab daayiin. Igawaayeeb yhadhi ikitꞌana, afirhaa hiddaab tamiina, aree iginꞌa rayhamaa iifiin. Ukwaasana yhamidna, uudehay kassaah bareeyooh geeb ishboobna. Aree Wꞌankwana baliib shidhhana iideeb oodehay bareeyooh ishaawiit gaguudisiya.

Ukwaasana indi: ‘Tꞌaakharaati aambꞌi yꞌeenihoob, aniib Eeshuuk kasseeh oodehayi kehii iifif andi. Yꞌaraaknaawwa tꞌartaaknaawwa bhaliib isaridna, Yhankwilaayaakna eerhi rhi iyadna, Yꞌeegrimaayaakna hawsoot hawsooyi iyadna.

Kassaah yꞌaamaniyaan hiddaab iifiin, toona tꞌiibriineet kastooh imꞌadhdhaadhna. Teena tꞌiibriineetwa oomraayoohwa iidlabna, imhallaga oodehay ishanha iyiwna.

Wꞌankwanaay oosmii waliikeen baliin kassaah midhhan imaar iyadna.’ indi.

Been Wꞌankwanaay uumbꞌi uuwin umatuun ibari yꞌaab baakaay, tuuyin thibnami tindi, tuutirig booy tꞌiiteet adaroot iikti tindi.