Popular Bible Verses from ಮತ್ತಾಯನು಼ 16

Share

ಇಂದೆ, ಯೇಸು ತಂಗ ಸಿಸ್ಯರ್ನೆ ನೋಡಿ, “ವಬ್ಬಂನು಼ ನನ್ನಿಂದಕು಼ ಬರೊಲೆ ಆಸೆಪಟ್ಟಲೆ, ಅವಂನು಼ ತನ್ನ ಸೊಂತ ಆಸೆನೆಲ್ಲಾ ಬುಟ್ಟೊಟು, ತನ್ನ ಸಿಲು಼ಬೆನೆ ಹೊತ್ತೊಡು಼, ನನ್ನಿಂದಕು಼ ಬರಕು಼.

ಇದಲ್ಲದೆ, ನಾನು಼ ನಿನಗು಼ ಹೇ಼ಳಿದೆನು಼: ನೀನು಼ ಪೇತ್ರನಾಗಿದ್ದೆ. ಬರೊ ಜಿನಲು಼ ಈ ಕಲ್ಲು಼ಪಾರೆನಮೇಲೆ ನನ್ನ ಸಬೆನೆ ಕಟ್ಟಿದೆನು಼. ಪಾತಾಳನ ಸಕ್ತಿ ಅದ್ನೆ ಗೆಲ್ಲೊದಿಲ್ಲೆ.

ಪರ್ಲೋಕ ರಾಜ್ಯನ ಬೀಗದ ಕೀನೆಲ್ಲಾ ನಾನು಼ ನಿನಗು಼ ಬರೊ ಜಿನಲು಼ ಕೊಟ್ಟೆನು಼. ಈ ಲೋಕಲು಼ ನೀನು಼ ಯಾವು಼ದು಼ನೆ ಕಟ್ಟಿದೆವೊ, ಅದ್ನೆ ದೈವ ಪರ್ಲೋಕಲು಼ಕುಡಿ ಕಟ್ಟಿದಾರು಼. ಈ ಲೋಕಲು಼ ನೀನು಼ ಯಾವು಼ದು಼ನೆ ಬಿಚ್ಚಿದೆವೊ, ಅದ್ನೆ ದೈವ ಪರ್ಲೋಕಲು಼ಕುಡಿ ಬಿಚ್ಚಿದಾರು಼” ಅಂದು಼ ಹೇ಼ಳಿದಾರು಼.

ಯಾನು಼ಗಂದಲೆ, ತನ್ನ ಜೀವನೆ ಕಾಪಡೊಲೆ ಆಸೆಪಡೊವಂನು಼ ಅದ್ನೆ ಕಳ್ದು಼ಬುಟ್ಟಾನು಼. ನನಗಾಗಿ ತನ್ನ ಜೀವನೆ ಕಳ್ದು಼ಬುಡೊವಂನು಼ ಅದ್ನೆ ಕಾಪಡಿದನು಼.

ಮೈಸನು಼ ಈ ಲೋಕನೆಪೂರ್ತಿ ತನ್ನದಾಗ್ಸಿದಲೆನು, ತನ್ನ ಆತ್ಮನೆ ನಸ್ಟಪಡ್ಸಿದಲೆ, ಅವಂನ್ಗು಼ ಯಾನ ಲಾಬ? ಮೈಸನು಼ ತನ್ನ ಆತ್ಮಗು಼ ಬದ್ಲಾಗಿ ಯಾವುದುನೆ ಕೊಟ್ಟಾನು಼?

ಆಗ, ಅವರು಼ ಸಿಸ್ಯರ್ನೆ ನೋಡಿ, “ನಿಂಗ ನನ್ನೆ ಯಾರಂದು಼ ಹೇ಼ಳಿದೆರು಼?” ಅಂದು಼ ಕೇ಼ಳಿದಾರು಼. ಅದ್ಗು಼ ಸೀಮೋನಪೇತ್ರನು಼ ಯೇಸುನೆ ನೋಡಿ, “ನಿಂಗ ಜೀವವುಳ್ಳ ದೈವನ ಮಙನಾದ ಕ್ರಿಸ್ತು” ಅಂದಾನು಼.

ಆಗ, ಯೇಸು ಪೇತ್ರನೆ ನೋಡಿ, “ಯೋನನ ಮಙನಾದ ಸೀಮೋನನೇ! ನಿನಗು಼ ಆಸಿರ್ವಾದ ಸಿಕ್ಕಿದಾದು಼. ಯಾನು಼ಗಂದಲೆ, ಈ ಕಾರ್ಯನೆ ನಿನಗು಼ ಯಾವ ಮೈಸನು ತಿಳಿಸಿತಿಲ್ಲೆ. ಅಂದಲೆ, ಪರ್ಲೋಕಲಿರ ನನ್ನ ಅಪ್ಪನೆವೆ ಇದ್ನೆ ನಿನಗು಼ ತಿಳಿಸಿರಾದು಼.