Popular Bible Verses from Ka Di Poglkwa 22

Share

Na moglka i, na taragl mudu plau dinabedi ersre, te, na taragl mudu ama si dudinaglka moglka. Na okna ibo, taragl kane kane paikrukwa igne moglka. Te, okuo ime ama aimadi kamin moraluwe di, yegl dugwa.

Ana mokomugl i, Jisas yegl dugwa, Kanio! Na tabre unaglka. Te, na unaglka igne, na topo wakai ake idre, u yoba swara swarade mabuno wakai ta eraiglmere i, topo tenaluwe dugwa.

God Murubuglomo ya te, yoba ta ye Krais ebie mere yegl meglkwa i, ye Ede wo! digwa. Te, yoba ta buk magigl yogwa i prabuka yobamo i, ye ama Ede wo! dinabuka paugwa. Yoba ta nigl goglkwa i, unabuka paugwa. Yoba ta nigl nenagledi prabuka i, ye nigl ta nedre, kor aimadi morabuka i, topo tekre, yoko kaima nenabuka paugwa.

Jisas yegl didre, ama yegl dugwa, Yoba ta kuguglno gaglno nigl edigwa i, gun yenaiglmiwe dugwa. Ede ta yoba mogomo uro nedre, kor moraiglkwa ikra, God ye uro nenaiglmedi tedre, ye dumo kade ikra togl dra yenabara ede suna unaiglmedi pra we dinabiwe dugwa.

Angelo i yegl didre, ama Jisas yegl dumiwe dugwa, Ene kano! Na tabre unaglka. God kamo ene kep ere, buk mina bogl atne edinatnga magigl i, yoba ta wakai ere prabuka yobamo i, ye gun yenabiwe di, yegl dumiwe dugwa.

Igne i, eduer ta yeikran, ermine keme yenabuka. Te, ken lam mo ade ta abuglage sinabuka i, ta paikrabuka. I siragl pre Yagl Kade God yene abuglage si tenabuka. Te, ye niglmo kogonmo yoba i, God bogl aimadi kamin taragl mudu ere yogwa i, bitno mogl, sugl moraiglkwa.

Ana yoba ta ka i di narukwa yobamo i yegl dugwa, Na tabre unaluwe dugwa. I pra. Yagl Kade Jisas, ene ede wo. Nono Yaglno Kade Jisas ene yoko kaima ere wakai ere te pai morabedi prika. Kaima.

Na God kamo kep ere boglka magigl i, ene yoba ta praiglkwa i, na ene yegl di teiga, yoba ta ka tau yene prumere i suna edenan, God ye yubun tau tenabuka. Buk i mina yubun tau unabe dumere yegl, yoba i morabara God yubun yegl tenabuka pre diga. Te, yoba ta ka magigl paugwa i tau i eglke edenan, God ye buk i mina taragl wakai wakai pre dugwa i, ye morabara i eglke edenabuka. Na diga i, ede ta yoba mogomo uro nebi, kor moraiglkwa ikra ye mogomo uro ne dinabedi ersre, God dumomo, siti kor ta yenabara suna i, ama taragl wakai wakai i tenabuka igne, ye ta ikrabuka pre diga.