Popular Bible Verses from Roma 10

Share

So o demo magena itemo nakoso ngini nimasingangasu o nyawa yadadala manga simaka nitemo, <<Igogou, o Yesus gena ma Jou,>> de lo nia sininga ma rabaka nipiricaya igogou Una gena o Gikimoi o soneno wisioho kali, de ngini magena asa nisisalamati.

Nakoso ngini nia sininga ma rabaka nipiricaya igogou de lo nimasingangasu o nyawa yadadala manga simaka, de o Gikimoi asa wotemo ngini gena nia sininga itotiai de lo winisisalamati.

So nakoso o nyawa la kanaga aku ma Kristus wipiricaya, de bilasu iḋoma o nyawa itagi isihabari onaka, so ona magena aku o habari ma ngale Una gena yoise de yanako.

Sababu ma ngale ma Kristus gena o Gikimoi Awi Jaji ma Buku ma rabaka wotemo, <<O nyawa la kanaga Una magegena wipiricayaka, ona magena manga sininga asa iturawa.>> Sababu nakoso o Yahudika ma nyawa de o Yahudika ma nyawa yasowo gena, yangodu ka imaketero. O nyawa ipipiricaya yangodu manga Jou ka womatengo, so nakoso o nyawa asa igolo Unaka gena, Awi laha moi-moi ḋangodu wahike de ma boloika. Ma ngale magegena iḋomaka ma nabi Yoel walefo, <<O nyawa nakoso kanaga igolo o Jou Gikimoika, de ona magena asa wasisalamati.>>

De lo nakoso o nyawa la ma ngale Awi habari Una wasulo waasi isihabari, de idodooha o nyawa itagi isihabari. Kanaga Una Awi Jaji ma Buku ma rabaka itemo, <Igogou, o nyawa la kanaga yahino o habari ḋaloloha yosihabari gena, o manara moi magena ḋaloha icarawa.> Ngaroko o Gikimoi wojaji komagena, duma Awi jaji magena wosiganapu waasi.>>

Komagena so ma ngale o Yahudika ma nyawa gena nagala kanaga o nyawa itemo, <<Nakoso ona ma Kristus iwipiricaya waasi, de yaakuwa ona lo igolo Unaka tanu ona wasisalamati. Nakoso ma ngale Una de ona magena yoise waasi, de idodooha ona Una iwipiricaya. De nakoso onaka o nyawa moi lo ma ngale Una gena wisihabari waasi, de idodooha ma ngale Una gena kiano ona yoise.

Duma ma ngeko idodooha ngone nanga sininga idadi itiai o Gikimoika gena, upa o bobita o Gikimoino gena pamote itiai, sababu ma Kristus asa waaka, so o ngeko iḋoḋoma gena he pamote kawa de ka cawali ma ngeko powipiricaya Unaka magena pamote.