Popular Bible Verses from Markus 14

Share

De wotemo, <<Ya Baba, ḋangodu aku naaka de idadi, so tanu natide la noisitilaku o sangisara ma ngeko manena. Duma upa namote to Ngohi Ai sininga ma dupa manena, la tanu idadi de imaaka ka to Ngona Ani sininga ma dupa.>>

De Una wotemo onaka, <<Nimajaga de nisumbayang la upa o babajaku nitura. Ngaroko nia siningaka igogou imode, duma nia rohe ḋamomoḋoka.>>

Ngini tinisingangasu igogou, o ngopeḋeka ami manara manena lo done asa ka yapetoka maro o sosininga moi munaka, kekiaka bato o Gikimoi Awi habari ḋaloloha asa isihabari o dunia manena ma rabaka.>>

Kagena de Una wotemo onaka, <<Ai sininga ma sangisara ḋatubuso, tamalo gena maro he tosone. Ngini kanena nigogoge la nimajaga.>>

De ma orasi ona imatamiye yooḋo, o Yesus o roti waḋehe so Awi sukuru watide o Gikimoiye. Ḋabolo de o roti magena watepi-tepi de to Una Awi gia, de gila-gila Awi muri-murika wasitoku de wotemo, <<Niaḋehe. Manena to Ngohi Ai rohe.>>

Kagena de Una o anggur ma udo-udo waḋehe de Awi sukuru idola o Gikimoiye. De o udo-udo magena wahike Awi muri-murika, de ona magena moi-moi o anggur magena yaudo. Yaudo ḋabolo de Una wotemo, <<Manena to Ngohi Ai au, inisinako igogou o Gikimoi Awi jaji la Ai au ikokopola manena ma meta o nyawa yadadalaka ma ngale o dorou ma apongu.

Kagena yahika de o Yesus wotemo Awi muri-murika, <<Ngini ningodu manena done niloḋa so Ngohi nidongosaka, sababu kanaga o Gikimoi Awi Jaji ma Buku ma rabaka asa isilefoka wotemo, <Ngohi asa ma sowohi towitooma so ma duba iloḋa imakokitingaka.>

Nimomi! Niakelelo, o nyawa Ngohi woisiiija una womasidiadoka. Hino la potagi pomakamake!>>

So kagena de o Yesus wotemo o Petruska, <<Ngona tonisingangasu igogou, o putu manena o toko isore ma sinoto waasi gena, ngona he ma para ma saange nomanosu notemo Ngohi noinakowa.>>