Popular Bible Verses from Markus 12

Share

De o Yesus wosango wotemo, <<O bobita ma nonomaka, ena gena, <He, o Israel ma nyawa! Tanu niise! O Gikimoi, to ngone nanga Jou, Una magena ka o Gikimoi womatetengoka. Bilasu nowidodara o Gikimoi, to ngona ani Jou, dede ani sininga ma buturu de ani pade ma buturu ḋangodu nosikomote.> De o bobita ma sinotoka gena, <Bilasu nadodara ani dodiao maro ka to ngona ani rohe masirete.> O bobita ma somoa asa ihiwa de foloisi ilamo de o bobita ngai sinoto magena.>>

Kagena de Una Awi muri-muri watolomu de wotemo onaka, <<Niakelelo! Nginika tinisingangasu igogou, mobabalo mosususa magena mongado foloi ilamo, nako positetero de o nyawa yangodu manga suba o boruaku yongangado gena. Sababu ona magena yahike ma sihino to ona manga arata eko manga pipi yadodiahi ma soohuka. Duma mobabalo muna magena ami arata ihiwa, so cawali kamagena de ma ngale ami oho so magena lo mahikeka.>>

Ma orasi magena o Yesus o Gikimoi Awi Tahu ma rabaka womatamiye so o suba ma borua worisimaka, de watailako o bi nyawamoi-nyawamoi manga suba yongado ma boruaku. O nyawa ikakaya yadala manga suba o pipi yongado o boruaku, de kagena o ngopeḋeka mobabalo moi de mosususa lo mahino. Muna lo ami suba matota, kodo, cawali o pipi o tembaga o sengi sinoto de ma ragani lo ka ma cunu.

De lo o nyawa bilasu o Gikimoi widodara dede manga sininga ma buturu de manga pade ma buturu ḋangodu isikomote, de ona lo yadodara manga dodiao maro ka to ona manga rohe masirete. Magena foloi ḋaloha de o gaso yatutupu eko o bi gaso ma somoa isimeta o Gikimoika.>>

Kagena de Una wotemo, <<So o kia naga la igogou to ma Kaisar gena bilasu niahike ma Kaisarka, de o kia naga la igogou to Gikimoi magena bilasu niahike o Gikimoika.>> Magena de to Una Awi demo magena yoise ḋabolo de ona yangodu yohairani.