Popular Bible Verses from Lukas 8

Share

O gisisi o tona ḋalolohaku ioho ḋaloha, gena imatero bato o nyawa de manga sininga igogou ḋaloha so o Gikimoi Awi demo magena yoiseka, de imadiahi manga sininga marabaka. Ona magena o Gikimoi Awi demo gena yopiricaya ḋaputuru sidago lo de ma sopo.>>

O gisisi ma binuka itutura o tona ḋatototopoku so o totopo yalalo so isoneka, gena imatero bato o nyawa o habari ḋaloloha magena yoiseka. Duma manga sininga ihawateri ma ngale manga oho duniaka ma rabaka, de yodupa yokaya, de lo yodupa o sanangi ma rabaka igoge. Komagena o Gikimoi Awi demo yosingou kawa, de o manara ḋaloloha lo yodupa kawa.

O gisisi ma binuka itutura o tona ḋatetetoka ioho duma ḋamalaika, gena imatero bato o nyawa yoise o habari ḋaloloha de yaḋehe de manga sininga isosanangi. Duma koloko ma ngutu ilukukuwa, so ona yopiricaya itekawa. So de ma ngale o habari ḋaloloha so yasisangisara, de gila-gila ona ma Jou wipalako so imakiliho de ikafirika.

So Una wotemo onaka, <<He! To ngini nia piricaya gena ihiwa!>> Magena de asa Awi muri-muri yohairani de manga modo lo ka manga raba kasi, de imatekebicara moi de moika yotemo, <<Wewe! O nyawa Una manena naguuna, so o bi moi-moi ḋangodu sidago lo o paro de o moku-moku lo ka wisigise.>>

O gisisi itutura o ngekoku gena imatero bato o nyawa yoiseka o Gikimoi Awi demo, duma o Iblis wahino de wakoora to ona manga sininga ma rabano so isisaka, la upa yopiricaya de upa lo yosisalamati.

Sababu igogou o kia naga yaiihu, magena ḋangodu o nyawa manga simaka done asa ka isikelelo, de lo o kia naga itotalake, magena ḋangodu done asa ka ipelenga la o nyawa yanako.

Kagena de o ngopeḋeka muna magena momanako ami manara Una wanakoka, so muna mahino de mitirine so Awi simaka mosuba mobukuku. De muna masingangasu o nyawa yadadala manga simaka, <<Ngohi ai siri ḋatubuso so Ani jubaka tomasimaho de gila-gila ai siri ḋalohaka.>> Kagena de Una wotemo o ngopeḋeka muna magenaka, <<He, Ai ngopa! Sababu ngona noipiricaya, so ngona nilohaka. Notagi de upa nohawateri.>>

Kagena de Awi muri-muri yotagi Una iwisimomi de imasigaso, <<Guru! Guru! Done ngone inasigiloro!>> So Una womomi de o paro ḋasosihilo de o moku-moku magenaka wotemo, <<Hika niogo kasi!>> De gila-gila o paro magena iogoka de o talaga magena lo irihika.