Popular Bible Verses from Yohanes 2

Share

O nonako ihahairani manena o Yesus waaka o Kana ma dokuka o Galilea ma tonaka. O riho magenaka de asa to Una Awi nonako-nonako ihahairani gena wosolano waaka. Komagena Una Awi kuasa masirete asa wasimane onaka. So Awi muri-muri magena manga piricaya Unaka gena foloi idogo.

De Una wotemo, <<Ai awa, nako ngona eko Ngohi gena, upasi pocapu, sababu to Ngohi Ai orasi gena yaado waasi.>>

Kagena de asa Una wotemo ileleleanika, <<O ake ma bi rube ḋangodu magena hika ngini o ake nioguse sidago iwedo.>> Gila-gila ileleleani ona magena o bi rube magenaku o ake yoguse sidago ḋangodu iwedoka. Yoguse ḋaboloka, de Una onaka wotemo kali, <<O bi rube iwewedo-wedoka magena ma ake niaui de niwihike o rame ma duhutuka.>> De maro o kia Una wosulo onaka, magena ona yaaka.

De Una wosango wotemo, <<Nakoso ngini o Gikimoi Awi Tahu manena niaruba, de ma deka ka o wange saangeka de Ngohi asa tosigoko kali.>>

Magena wakeleloka, de Una asa o ngangapo moi waaka o iwino la idadi maro o cambuk moi. De Awi cambuk magena, Una gila-gila o Gikimoi Awi Tahu ma lolohaka o nyawa ona magena wadusu de wasisupu. Wadusu ona maro o bolumoi-bolumoi, ona de manga sapi de lo manga duba. De lo ma binuka o pipi imatekesitagali ona manga meja waeha sidago lo manga pipi gena ihaja imakokitingaka. De ma binukali o namo dara imasiiijaka Una wotemo, <<Asitagala! Ngini gena nia namo niaaho de nisupu. Awadede! Upa lo Ai Baba Awi Tahuka de niaaka o riho imasiiija.>>