Popular Bible Verses from Yohanes 19

Share

Una wapipi ḋabolo de wotemo, <<Ai manara tosiboloka.>> Ato Awi sahe iruku gena wosoneka.

Itekawa, de o Yesus wanako o bi moi-moi ḋangodu isiboloka, so womasigaso ma ngale idadi de imaaka imatero maro o kia iḋomaka isilelefo o Gikimoi Awi Jaji ma Buku ma rabaka. Una wotemo, <<Kodo! Ai kiri ḋaduduka.>>

So o Yesus o sangahadika de wakelelo ma awa de ami dateka o muri moi foloi wisiboboso, de ma awaka Una wotemo, <<Ai awa, kanena naga nowinano maro to ngona ani ngopa yanau moili.>> De komagena o muri moi una magenaka wotemo kali, <<Ai dodiao, kanena naga nominano maro ka to ngona ani awa masireteli.>> So ka o orasi magenasi, de o muri moi magegena una ma awa gena womijaga ḋaloha so igoge lo ka o tahu moi.

Ḋabolo de yahino o Yesus Awi sone ma bakeka, de asa yanako igogou Una wosoneka, so Awi ḋohu gena ona he yatepi kawa. Ngaroko komagena, duma to Una Awi alu ma ngunu gena o nyawa moi o prajurit manga sidongirabaka de o tuba wasuru, sidago imatodoka o au de lo o ake imakacapu isupu de iuhi.

O bi moi-moi magena imadadi ma ngale asa isiganapu o kia iḋomaka isilelefo o Gikimoi Awi Jaji ma Buku ma rabaka itemo, <<Awi kobo moi lo asa upa yatepi.>> De lo isilelefo kali itemo, <<Ona asa iwinanano Una iwisusuruka.>>

Iwingahoka, de Awi sangahadi gena Una masirete wamoku so o kotaka de isupu itagi o riho moika isironga o Sahe ma Papala ma Riho, gena nakoso o bahasa Ibrani isironga o Golgota.

Wingangapo ḋaboloka, de awi prajurit ona magena wisimaḋe Unaka gena, o bi gota ma daara ḋatototopo gena yaaka koloko to Una Awi mahkota moi so Awi saheku isitalakeka. De lo o juba ḋauungu maro o bi kolanoka manga juba iwisitibaku.