Popular Bible Verses from Rasul 4

Share

So cawali o Yesus bato aku ngone wonasisalamati. Sababu o dunia ma ḋokuka o nyawa ma somoa moi lo yahiwa o Gikimoi Awi kuasa wihike la aku ngone wonasisalamati.>>

Ma orasi isumbayang ḋabolo o riho imatotolomuka magena ihiti. De o Gurumi Ḋatetebi Awi kuasa ḋaasu-asu iwosa ona yangoduku, so wopareta sidago o habari ḋaloloha o Gikimoino isihabari de manga modo lo ihiwa.

Ya, Jou! O orasi manena Ngona masirete nakelelo ona imisimahawa ngomi mitagi misihabarili, so tanu ngomi, to Ngona Ani leleani manena, nomiriwo la mitagi misihabari Ani habari ḋaloloha, de upa lo mimodo.

Ma ngale o Yesus niwihoholu gena o Gikimoi Awi Jaji ma Buku ma gimina moika asa itemo komanena, <O teto o tukang yahoholu de yapapakewa magena done asa isiaka de idadi o tahu ma sosoḋe ma teto ma nonoma.>

O Mahkamah Agama yohairani icarawa sababu ona yakelelo o Petrus de o Yohanes manga modo lo ihiwa, de kiali ona yanako igogou ona yasinoto magena o nyawa yauuḋu de manga sakola ihiwa. So kagena de asa ona yanako ona yasinoto magena iḋomaka o Yesus Awi dodiao.

O orasi magena o nyawa ipipiricaya yangodu imatekerimoi so to ona manga sininga ka ka moi. So o nyawa moi lo yahiwa to una awi arata masirete de womadengoka, duma o nyawa moi la kanaga awi arata moi-moi ḋangodu de maena unaka, magena imatero ka to ona yangodu.