Popular Bible Verses from 2 Korintus 9

Share

De o Gikimoi de Awi kuasa aku ngini winidogo o bi moi-moi ḋaloloha gena ḋangodu, so nginika o kia naga ikurangi gena ḋangodu niamake sidago nia kurangi moi lo asa ihiwa. La o bi loha moi-moi gena ḋangodu ngini aku niaaka ma ngale o nyawa niariwo.

Ngone o nyawamoi-nyawamoi bilasu pahike de nanga sininga isosanangi, maro o kia naga iḋomaka ngone pasitatapu ḋaboloka. Upa pohike de nanga sininga ḋatubuso de upa lo ka ma ngale inasulo sidago ngone posininga bilasu pahike. Sababu o Gikimoi wadodara o nyawa kiaka kanaga yahihike manga sininga de ma nalika.

Niosininga o demo manena: O nyawa la kanaga yodato ma cunu, done ma sopo lo asa ka ma cunu. De o nyawa la kanaga yodato ilamo, done asa ma sopo lo ka ilamo.

O Gikimoi o gisisi wonahike ngone pototoroka de lo o doro ma sopo wonahike maro nanga ino. So komagena lo igogou Una asa o kia naga de maena nginika gena wodogo, sidago ngini aku nifoloi la niahike kanaga o nyawa de manga kurangika. De o ngeko moi-moi idala o Gikimoi asa ngini winihike de ma boloili la ngini aku de nia sininga foloisi ḋaloloha niahike o nyawaka. So done ma orasi to ngini nia roriwo o pipi gena ngomi miatota o nyawa isususa o Yerusalemka, de o nyawa yadala asa manga sukuru yatide o Gikimoika.

Hino la ngone nanga sukuru patide o Gikimoika, sababu igogou to Una Awi ngongike gena ḋaloha icarawa.