Popular Bible Verses from 'O Roma 12

Share

'Uwa niakidomoteke 'o nyawa 'o duniaka ne'ena gee kowido-domotekuwa ma Jo'oungu ma Dutu. Madaka la ma Jo'oungu ma Dutu wadiai 'ania singina 'idadi ma sungi, la niomangali. De ma ngekomo ge'ena ngini nia'akunu nianako ma Jo'oungu ma Dutu 'awi mau -- ge'ena la 'okia naga gee yaowa-owa de gee 'awi singina yasa-sanangi de 'itoto-totomo.

'Esa moi riaka dodoto ka 'o ngo-ngaku moi! Ma ngale ma Jo'oungu ma Dutu 'awi singina posironga ma sureka ngoneno, sababu ge'ena ngoi toga'asoko tosigou-gounguku nginika la nia 'ahu niokula ma ngale winileleani ma Jo'oungu ma Dutu, de 'awi singina niasanangi. Winileleani ma Jo'oungu ma Dutu salingou koge'ena.

Tanu ngini kaniomore-morene nimasinganono ma Jo'oungu ma Dutuka, niosabari 'o susa ma dodaka, de niotangaro nimalahidoa.

'Uwa nimasidipidilika 'o dorou nilaku, ma salingou ngini nialaku 'o dorou, ma ngekomo niadiai yaowa-owa.

Tanu ngini nimakadora moi de moi 'isoka 'o 'esa moi ma dutu. De tanu ngini niosisira-sira nimakahoromati moi de moi.

Niakidora 'o nyawa ge'ena salingou de nia singina ma gou-goungu. Niodu'uduku 'o dorou, de nimasiga-gao gee yaowa-owaka.

Naga nginioka nako nia'akunu de niomariwo de ma goungu ma ngale nio'ahu nimakasa-sanangi de 'o nyawa 'iodumu.

'Esa moi riaka dodoto ka 'o ngo-ngaku moi tinisiboso-bosono! Nako 'o nyawa 'o dorou yodiai nginika, ge'ena koya'akunuwa ngini ma sirete niosikilioro de 'o dorou. Madaka la ma Jo'oungu ma Dutu wakihukumu. Sababu 'o Buku 'Itebi-tebinoka 'isilefoku, <<Ma Jou wongose konee: <Ka ngoi duga 'ai hak tosikilioro 'o nyawa manga dorou. Ngoi 'asa takihukumu.> >>

Salingou niotangaro niomanarama, 'uwa nitebeturu. De nia magae 'o Ngomasa 'Itebi-tebinino, niomanarama ma ngale ma Jou winileleani.

Sababu ma Jo'oungu ma Dutu woikulakau 'o co-catu ma ngale todadi 'o su-suloko, ge'enau so tinidongose ngini 'Esa moi nioodumu: Ma ngale ngini ma sirete, 'uwa niatibangi kaifoloide de gee yadae-daene, ma 'ena salingou ngini ma sirete niatibangi de nia singina 'itipokoku ma ngale ngini ma sirete, moteke kokia naga yaika 'ania co-catu de 'ania ngo-ngaku gee ma Jo'oungu ma Dutuno.

Nako 'o nyawa 'o dorou yodiai nginika, 'uwa niosikilioro de 'o dorou. Niadiai 'okia naga gee 'o nyawa 'iodumu yamaoku yaowa.

Tanu ngini nio'ahu nimarimoi. 'Uwa nimadaduie ma niogiamanai de 'o nyawa gee kokiawa yakidaenuku. 'Uwa nimamaoku ngini 'ifoloi niobarija.

Ma nako 'ania saturuu yakisawini, ge'ena salingou niakikula 'o 'inomo, de nako manga kibiti 'idudungu, niakikula 'o 'akere. Sababu nako niodiai koge'ena, ge'ena 'ona 'asa yakimaeke.

Nioga'asoko ma Jo'oungu ma Dutuka la wakisibarakati 'o nyawa-nyawa nisa-sangisara nginika. Nioga'asoko ma Jo'oungu ma Dutu wakisibarakati, 'uwa nioga'asoko 'o gorosau. Nimasidomorene de 'o nyawa gee yomore-morene, de nio'ari de 'o nyawa gee yo'ari-'ari.

Niakiriwo 'o nyawa yongaku-ngaku gee yakisidukuranguku, de niakidawongo 'o nyawa yomasido-dogumu nia woaka.

To ngone nanga roese ma kia sonaa 'o gudaioka. Ma kia sonaa moi-moi ge'ena to 'ena ma manarama 'imamo-moika. Koge'enali mita ngone. Ngaro ngone poodumu nanga gudaioka, ma ngone ne'ena matero ka 'o roese moi sababu pomarimoi de ma Kristus. De ngone moi-moi kopomakamadawa, 'isoka nanga roese ma kia sonaa 'imakadowanga moi de moi.