Popular Bible Verses from 'O Markus 6

Share

De 'una kawongosekau 'onaka, <<Nou! 'O ngii 'irii-riidika potagi pomatingaikasi la 'idadi pomaomasosi ma eta.>> Koge'ena wongose sababu 'o nyawa manga gudai yoboa de yolio kayomakatagali, sigado kayo'odomo ma koidadiwa.

Ge'enaka de 'o Yesus wongose 'onaka, << 'O nabii moi ge'ena yakihoromati kiaka naga bato, duga nako ka 'o soana ma dodaku, de ka 'o 'esa moi, bolo ka 'o riaka dodoto, ge'ena koyakisingounuwa.>>

Gee 'o Yesus wo'uti 'o ngo'otiroka, de wakimake 'o nyawa yoku-kudai go'ona. 'Una wakidora sababu 'ona 'isoka 'o dombau gee komoiwau yasowohi. So 'una wokurue wakisidotoko 'okia sonaa 'o gudai.

So ge'enaka dau 'o no-nako 'ihera-herangi ka moi ma kowodiaiwa, duga ka 'o nyawa yopa-panyake yamuruo naga 'awi giama wakidatami so manga panyake 'i'aiki. 'Una woherangi 'ona koyongakuwa. Ge'enaka de 'o Yesus wotagi 'o soana wanoi-noimi wodotoko.

Ge'enaka de 'o roti de ma naoko ge'ena wa'eseno, de womatagade 'o diwangie de wongose 'ato, << 'Alele! 'O 'inomo nokulakau ngomino!>> Ge'enaka de ma roti waeta-eta de wi giama, 'asa de wokula 'awi do-domoteika la yosibula-bula 'o nyawa yoku-kudaika. De ma naoko 'o ngai modidi mita yakisibula-bula yoodumika. So ge'enaka dau yo'odomo sigado yosibunu-bunusu. 'Iduangino de ma baili 'o do-domoteke yapoluno 'ena 'o pa'udi mogiooko de modidioka.