Popular Bible Verses from 'O Markus 4

Share

'O Yesus womomiki de wodorofu 'o ratoka, wongose 'ato, <<Nomaogoro!>> de 'o talagaka wongose 'ato, <<Nomariidi!>> So 'o rato ma 'imaogorokau de ma talaga ma 'isoka 'o gooorou patarisie. Ge'enaka de wakidongose 'awi do-domoteika, <<Tei! 'Ido'oa so nimodongo? 'Ido'oa so koningakuwa?>>

So 'ona yakimodongo ma de yoherangi, de yomakadongose, << 'Una ne'ena nagu'una so 'o rato de 'o moku-moku wisingounu?>>

'Ena 'o Yesus woma'iduoka ge'ena 'o ngo'otiri ma aseroka 'awi saeke wapanginie. De 'awi do-domoteke witomanga, kayongosekau, <<Ee 'Aba Guru, konokalesanguawa ngone pobodito?>>

Ge'enaka de kawongosekauoli, <<Niatagoko niosidi-diai 'okia naga nio'isene! 'O du-duga gee kiaka ngini niapake niakisituga 'o nyawaka koge'enali mita ma Jo'oungu ma Dutu winisituga nginika.

'O Yesus wosidowangoli 'awi bicara, <<Nako ma Jo'oungu ma Dutu wopareta ma ngale wokoana, ge'ena ma jako 'idadi 'isi'ade-'ade 'isoka 'o nyawa wimoi 'o fini wopiakoro wi bairoka. 'O obiri woma'idu de 'o wange womomiki; 'ena wi fini ge'ena kayaika-ikaka 'ifero sigado 'iamoko. Ma kokia ma do-dagi 'awi fini ge'ena 'igo'oo de 'ifero, 'una kowanakowa.

Sababu ge'ena, nio'isenika nako de nia ngaukoka!>>