Popular Bible Verses from 'O Markus 15

Share

De 'o takoro sa'ange de 'o Yesus womapoaka waamo-amokie, <<Eloi, Eloi lama sabakhtani!>> Ngone tanu, <<Jo'oungu ma Dutu, Jo'oungu ma Dutu, 'ido'oa so noimadaka?>>

'O solodado ma balusu gee woma'okode ge'ena 'o salip ma daarioka, wamake kokia 'o Yesus wosongene. De kawongosekau, <<Ma goungu 'o nyawa nu'una ma Jo'oungu ma Dutu wi Ngowaka!>>

Ma 'orasi ge'ena ma Jo'oungu ma Dutu ma sirete 'awi Ngii ma da-datoko 'iracanga 'itaga modidioka kadaku de 'isikauku sigado daukukuka.

Ge'enaka de 'o Yesus womapoaka de wi ngomasa 'ipidili.

'O wange 'ikoronako de 'o Palestina ma daeraa ge'ena 'itarusu kayasorogaku, ma do'ingo 'o takoro sa'ange.

'O Pilatus womau 'o nyawa yoku-kudai go'ona manga singina 'isanangi, so 'o Barabas wisisupu 'onaka. De 'awi solodado wosuloko 'o Yesus wipesana, 'asa de wosarakani wi'asa ma ngale wisidele 'o salipoka.