Popular Bible Verses from 'O Matius 7

Share

<<Nimaga'asoko ma Jo'oungu ma Dutuka la 'asa winikula, nimadononu la 'asa nimadamake, de nimasi'ilingi la 'o ngorana 'asa winidebelenga.

Sababu nago'ona yomaga'asoko 'asa wakikula, de nago'ona yomadononu 'asa yomadamake, de nago'ona yomasi'ilingi, 'asa 'o ngorana wakidebelenga.

<<Nago'ona gee yo'isenoka 'ai demo ne'ena de yodomoteke, 'ona ge'ena 'isoka wimoi wi woa wodiai 'o teto ma dekuoka.

Niodiai 'o nyawaka gee 'isoka ngini nioduaka 'o nyawa yodiai nginika, ge'ena 'o Musa de 'o nabii-nabii manga do-dotoko ma titi.>>

Ma 'o ngorana de 'o ngekomo gee 'isikaika 'o 'ahu 'ika-kakalika ge'ena 'isusa de 'ipe'etoro, de ka munuka duga ge'enaka yaboa.>>

<<Nako nianonu 'o 'ahu 'ika-kakali, ge'ena niowosama 'o ngorana 'ipe-pe'etorika, sababu 'o ngorana de 'o ngekomo 'iamo-amoika ge'ena 'isikaika 'o narakaka, de ge'enaka 'o nyawa manga gudai yaboa.

Ngaro niotingkai, ma kanianako niokula yaowa-owa nia ngowaika. De dua nia Deali daku 'o sorogaaka, 'unasi 'ifoloi 'asa wokula yaowa-owa gee 'o nyawa yomaga'asoko 'unaka!

<< 'Uwa niakisisala 'o nyawa, la ma Jo'oungu ma Dutu mita 'uwa winisisala. Sababu kokia naga niakisisala 'o nyawa, ma Jo'oungu ma Dutu mita winisisala koge'ena. De kokia naga yaika niakisipake 'o nyawaka, dua koge'enali yaika mita ma Jo'oungu ma Dutu winisipake.

Ma 'o nyawa gee yo'isenoka 'ai demo ne'ena de koyamotekuwa, 'ona ge'ena 'isoka wohaga-haga wi woa wodiai 'o dowongioka.

'Ido'oa so niosidawanono nia 'esa moi manga ako ma geneo, 'ena to nginioka 'o balaki koniakalesanguwa. Dua kokia ngini 'idadi niongose nia 'esa moika, < 'Ino, ta'aiki 'ani ako ma geneo gee!>, 'ena to nginioka 'o basagi?

<<Nimasitiari gee 'o nabii yoelu-eluika, sababu 'ona nidoboa 'isoka 'o domba, 'ena momongo 'ona ge'ena kaimatero de 'o haewani 'iti-tingkai. Ngini 'asa niakisahe to 'ona manga 'ahuoka. 'O gota 'ido-dodowoko koma'iwa 'isowokino 'o 'anggur ma sowoko, de 'o sisika koma'iwa 'isowokino 'o 'ara ma sowoko.

'O gota gee 'ibobo-bero ge'ena ma sowoko mita 'isure; ma gee ma bo-bero 'itorou, ge'ena ma sowoko mita 'itorou.

'O gota 'ibobo-bero koi'iwa ma sowoko 'itorou, de 'o gota gee ma bo-bero 'itorou, koi'iwa ma sowoko 'isure.

'O gota gee kiaka 'isowoko 'itorou, dua 'asa yatodanga de yositaulu 'o 'ukuka.