Popular Bible Verses from 'O Matius 5

Share

Komoiwa 'o silo yatuuika de 'o pa'udi yositamunuku, ma 'ena ma ngiioka yositodenguku la 'o nyawa 'iodumu 'o woa ma dodaka gee yomasimake. Koge'enali mita nia darangi ge'ena salingou 'isiwara 'o nyawaka, la 'ona yamake 'okia sonaa niodi-diai yaowa-owa ge'ena, de wisitedene nia Dea 'o sorogaaka.>>

Ngini ne'ena 'o darangi 'o dunia ma nyawaka. 'O kota daku 'o gigie ma dekuoka koidadiwa yosidutuluku.

Yosanangioka 'o nyawa gee manga singina 'itebi-tebini ma Jo'oungu ma Dutu wi bionoka; 'ona 'asa ma Jo'oungu ma Dutu wimake!

Yosanangioka 'o nyawa gee yonyafisuu yodiai ma Jo'oungu ma Dutu wi mau; 'ona 'asa wakikula sigado yakiduga!

Ma ne'ena ngoi tinisidemo: Niakidora nia saturuu, de niakisilahidoa godagee niba-badingaka

<<Yosanangioka 'o nyawa gee yomamaoku koyomado-do'oawa de duga ka ma Jouka yomasiga-gao; 'ona ge'ena ma Jo'oungu ma Dutu wi kawasa!

Yosanangioka 'ona gee 'o nyawa yosikakatiai; ma Jo'oungu ma Dutu 'asa wakisironga to 'una 'awi ngowa-ngowaka!

Yosanangioka 'o nyawa gee manga singina 'iga-gamamu; 'ona 'asa ma Jo'oungu ma Dutu wakiaru!

Yosanangioka 'ona gee yamake 'o sangisara 'o nyawano sababu yadiai ma Jo'oungu ma Dutu wi mau; 'ona ge'ena ma Jo'oungu ma Dutu wi kawasa!

Yosanangioka nago'ona gee yosimara'ai 'o nyawaka; 'ona mita 'asa ma Jo'oungu ma Dutu wakisimara'ai!

Niosanangioka ngini nako nisiti-tingoono, nisangisara, de nisigurubungu ma ngale ngoi. 'O nabii ma sirasi gee ngini koni'iwasi mita yakisangisarakau 'isoka koge'ena. Salingou kaniomore-morene sababu nia parasengi ma amoko daku 'o sorogaaka ma Jou wadua-duangou.>>

Yosanangioka 'o nyawa gee manga singina 'ima-ma'ai; ma Jo'oungu ma Dutu 'asa wakidototomo 'awi jaji 'onaka!

<<Ngini ne'ena 'isoka 'o gasi 'o dunia ma nyawaka. Nako 'o gasi koiosawau, de kaidadiosi yadiai 'iosali? Koi'iwau ma faedaa, so kaya'umo de 'o nyawa yadoko-doko.

'Ania Dea 'o sorogaaka 'o nyawa 'iodumu wadora ma gou-goungu. Ngini mita salingou koge'ena.>>

Kaniongose duga, <Ia>, bolo <Ko'uwa>. Nako 'ipaili de ge'ena, ge'ena ka 'o Tokata ma Koanino.>>

<<Ngini mita nianakokau 'o do-dotoko 'isoka konee: < 'O nyawa manga ako niatorou to ngini mita yatorou, de 'o nyawa manga 'ingiri niatotaka to ngini mita yatotaka.> Ma ne'ena ngoi tinisidemo nginika, 'uwa niakigogola gee 'o nyawa yoba-badingaka nginika. De nako nisiti-tingoono nia gotoaka ma ginirakino yapoka, ge'ena yaowa ma gubalioli niosidakunu.

Nako nia ako ma songona nisiotaka 'o dorouku, ge'ena niapeleuru la nia'umoka. Yaowa nia roese ma kia sonaa ngai moi nia'umo, la 'uwa sigado 'o 'ukuka nidugumo. Nako nia giama ma songona nisiotaka 'o dorouku, nia'ogu la nia'umoka. Yaowa nia giama ma songona koi'iwaka, la 'uwa sigado ngini 'o 'ukuka nidugumo.>>