Popular Bible Verses from 'O Matius 27

Share

'O takoro sa'ange de 'o Yesus wopoaka womasigasoko ma Deaka, << 'Eli, 'Eli, lama sabatani!>> ma ngale, <<Jo'oungu ma Dutu, Jo'oungu ma Dutu, 'ido'oa so noimadaka?>>

Ge'enaka de ma Jo'oungu ma Dutu ma sirete 'awi Ngii ma da-datoko 'iside-sideluku ma 'iracanga 'itaga modidioka kadaku de 'isikauku, de 'o 'osu de 'o gigie 'iteto-teto 'ikapelaka. 'O bo'osuku 'ikokipelenga, de manga gudai ma Jo'oungu ma Dutu wi kawasa yosonge-songenokau wakisimomiki, de yamada manga bo'osuku.

Ge'enaka de 'o Yesus womapoakoli waamo-amokie de wi ngomasa 'ipidili.

'O solodado ma balusu de ma solodado gee 'o Yesus wijaga-jagano yosawanoka gee yamake 'o 'osu de 'okia naga gee 'ikokidadi. 'Ona yongose, <<Ma gou-goungu nu'una ge'ena ma Jo'oungu ma Dutu wi Ngowaka.>>

'O wange 'ikoronako, de ma daeraa ge'ena 'itarusu ka ma moiku ma do'ingo 'o takoro sa'ange.

'O Pilatus wongose 'onaka, <<Nako koge'ena, kokia todiai 'o Yesusika gee wisironga ma Kristus?>> 'Ona yoodumu yosango, <<Powisidele 'o salipoka!>> 'O Pilatus wosano, <<Ma ka'ena wadiai gee 'ito-torou?>> Ge'enaka de 'ona yosigasoko 'ifoloiosi 'iamokie, <<Powisidele 'o salipoka!>>