Popular Bible Verses from 'O Matius 14

Share

Ma gee wamao 'o dadoko 'ikuata ge'ena ma talagaka de wimodongo so 'ikurueu wolutu de womasigasoko, <<Jou, noiriwo!>> Ge'enaka de 'o Yesus witagoko de wongose, <<Ngona ne'ena konoingakuwa rekeni! 'Ido'oa so ni singina 'ikapula?>>

Ma gee wamao 'o dadoko 'ikuata ge'ena ma talagaka de wimodongo so 'ikurueu wolutu de womasigasoko, <<Jou, noiriwo!>>

Ma 'o Yesus wongose 'onaka, <<Nimarii-riidi! 'Uwa nimodongo. Ngoi ne'ena 'o Yesus.>>

Ge'enaka de 'o Petrus wongose, <<Jou, ngonau ge'ena? Nako ma goungu ngonau, nosuloko taika ngonaka totagi-tagi 'o 'akere ma dekuka.>> 'O Yesus wongose, <<Nou!>> Ge'enaka de 'o Petrus wo'uti 'o ngo'otiroka de waika 'o Yesusika.

So wi do-domoteke yosuba 'unaka. 'Ona yongose, <<Ma gou-goungu, Jou, ngona ne'ena ma Jo'oungu ma Dutu wi Ngowaka!>>

'O Yesus wongose, << 'Uwau yotagi, ka nginiou niakikula 'o 'inomo.>> 'Awi do-domoteke yosango, <<Ngomioka duga ka 'o roti 'o ngai motoa de 'o naoko 'o ngai modidioka!>>

De 'una wongose, <<Nia'asano nongoka.>> Ge'enaka de wakisuloko yoku-kudai go'ona 'o 'ubutoka yogogerie, de wa'ese 'o roti ngai motoa de 'o naoko ngai modidi ge'ena, de 'o diwangie womatagade de wo'amalaha ma Jo'oungu ma Dutude. 'Asa deika ma roti ge'ena wakakaeta, deika wokula 'awi do-domoteika la yosibula-bula 'o nyawa yoku-kudaika go'ona.

'Ona yoodumu yo'odomo sigado yakipunusoka. Ge'enaka de 'o Yesus wi do-domoteke yotoomu ma 'inomo ma baili ge'ena, 'o pa'udi mogiooko de modidioka.