Popular Bible Verses from 'O Lukas 6

Share

Ngini salingou nimadu-dukula 'o nyawaka la ngini mita 'asa ma Jo'oungu ma Dutu winikula. Ngini 'asa nimadamake 'o barakati posironga ma amoko gee nidutugakou 'idi-dibitunuku de 'idi-digiwiku sigado 'ipoa-poa. Sababu 'o du-duga gee kiaka ngini niapake niosituga 'o nyawaka, ma Jo'oungu ma Dutu mita 'asa wapake winisituga nginika.>>

Koge'enali mita 'o nyawa ma owa, yosisupu 'okia sonaa yaowa-owa sababu manga singina ma dodaka doka yaowa-owa. De 'o nyawa ma dorou yosisupu 'okia sonaa 'ito-torou sababu manga singina ma dodaka doka ka 'o dorou. Sababu 'okia naga 'isupu 'o 'urude ge'ena 'ibaoro 'o singinano.>>

Salingou 'uwa koge'ena! Ma 'ena niakidora 'o nyawa gee nisa-saturuu de nia go-gasa yaowa 'onaka. Ngini salingou niakisibau 'ania kianikia de 'uwa niongano-nganono yosigilioli. Nako koge'ena ge'ena dua nia parasengi ma amoko de ngini 'asa niodadi ma Jo'oungu ma Dutu wokuru-kurutie wi ngowa-ngowaka. Sababu ma Jo'oungu ma Dutu 'awi singina yaowa 'o nyawaka gee koyanako-nakowa yo'amalaha de mita gee 'o dorou yodi-diaika.

'Ania Dea ma Jo'oungu ma Dutu 'una ge'ena wadora 'o nyawa, so ngini mita salingou niakidora 'o nyawa!>>

<< 'Uwa niakisisala 'o nyawa, la ngini mita ma Jo'oungu ma Dutu 'uwa winisisala. 'Uwa niakihukumu 'o nyawa, la ma Jo'oungu ma Dutu 'uwa winihukumu. 'Uwa niosi-singina 'o nyawa manga sala nginika, la ma Jo'oungu ma Dutu mita 'uwa wosi-singina to ngini nia sala.

<<Ma ngini gee ma 'orasi ne'ena nisigise-gisene ngoino, tinisibesesongo: Niakidora gee nisa-saturuu, de niakisimara'ai 'o nyawa nidu-du'uduku. Nioga'asoko ma Jo'oungu ma Dutu wakisibarakati 'o nyawa gee nidu-du'uduku nginika, de niakisilahidoa 'o nyawa gee manga singina 'itorou nginika.

Niodiai 'o nyawa 'ireguka, 'isoka gee ngini nioduaka 'o nyawa 'iregu yodiai nginika.

Nako 'o nyawa nisiti-tingoono nia gotoaka ma songonano yapoka, ge'ena niosimadaka yapoka ma songonanoli. Nako nia baju ya'ora, nia juba mita niokulaka. Nako 'o nyawa nia kianikia yoga'asoko, niokulaka. De nako nia kia sonaa ya'ora, 'uwa nioga'asoko niosigilioli.

<< 'O gota 'iga-garaibongo koi'iwa 'isowokino ma sowoko 'itorou. Koge'enali mita 'o gota koiga-garaibonguwa, koi'iwa 'isowokino ma sowoko 'isure-sure.

'O gota 'o utu 'isinoimi posikanako ka ma sowokoka. 'O 'ubutu 'ido-dodowoko koma'iwa 'isowokino 'o 'ara ma sowoko. De 'o sisika koma'iwa 'isowokino 'o 'anggur ma sowoko.