Popular Bible Verses from 'O Lukas 3

Share

'O Yohanes 'o nyawa yoku-kudai waki'osiki, de 'o Yesus mita wi'osiki. De gee 'o Yesus womalahidoa ma gu-gudaioka, de 'o diwanga 'ipelenga, de 'o Ngomasa 'Itebi-tebini dakuuku widuguti ma lugo 'isoka 'o pombo. Ge'enaka de yo'isene ma Jo'oungu ma Dutu wi 'ilingi 'ingose, <<Ngona to ngoi 'ai Ngowaka tonisiboso-bosono. Ngona 'ai singina nasanangi.>>

Ge'enau so 'o Yohanes kawongosekau 'ona yoodumika, <<Ngoi tini'osiki ka de 'o 'akere, ma dua woboa wimoi 'ifoloi wokuasa de de ngoi, ka 'awi tarupa ma gumini ta'aiki ma koyadaenuwa. 'Una 'asa wini'osiki de 'o Ngomasa 'Itebi-tebini de 'o 'uku.

Niosidumutu 'ania 'ahu ma sigoronaka 'ato ngini ma gou-goungu nimaogorokau 'o sowono niodiai de nioliokau ma Jo'oungu ma Dutuka! 'Uwa niomangano-nganono 'ato ngini ge'ena nisilahakau sababu 'o Abraham ge'ena to ngini nia edete de nia dotumu. Tinidongose: Ma Jo'oungu ma Dutu kaidadi wadiai 'o teto-teto ne'ena 'idadi 'o Abraham 'awi ngowa-ngowaka!

Ma Jo'oungu ma Dutu wacobou wahukumu 'o nyawa gee koyamote-motekuwa 'awi mau matero kawimoi 'o gota watodangou sigado ma ngutu-ngutuuku so ma patu 'idua-duangou. 'O nyawa gee manga 'ahu 'itorou 'asa yaki'umo 'o 'ukuka, matero ka 'o gota gee 'isowokino ma ma sowoko koisurewa so dua yatodanga de 'o 'ukuka yositaulu!>>

Ge'ena moteke ma Nabii Yesaya wi bukuoka 'isilefoku konee, << 'O nyawa moi naga 'o tonaka 'ika-kakasaka wosigaso-gasoko wongose 'ato, <Niosikadiai ma Jou 'awi ngekomo, niosikaboooto ma Jou wi tapaki la waboa! 'Iti-tingasu niadidumu, 'igi-gigie de 'idiko-diko niosikatiai! 'Ikapelu-peluku niosikaboooto, de 'ikagusu-gusu niosikatiai! 'O nyawa 'o duniaka 'iodumu 'asa yamake ma Jo'oungu ma Dutu wosilaha 'o nyawa!> >>