Popular Bible Verses from 'O Lukas 23

Share

Ge'enaka de 'o Yesus wolahidoa ma Jo'oungu ma Dutude, wongose 'ato, << 'Aba, 'uwa nosi-singina 'o nyawa gee 'isisa-sangisara no'ona manga di-diai! Sababu 'ona koyanakowa 'okia yodiai.>> 'O solodado gee 'o Yesus wiside-sidele 'o ngi-ngiriki yodiai la 'o Yesus 'awi pakeangi yomasibula.

De 'o Yesus kawongosekau 'unaka, <<Ma goungu, ne'ena ma wange dua ngona de de ngoi 'o ngii yaowa-owaka ge'ena la 'o sorogaaka.>>

Ge'ena 'iduanga de wongoseli, <<Ee Yesus, noisi-singina dua gee noboali ma ngale nokoana de nopareta!>>

Ge'enaka de 'o Yesus womasigasoko waamo-amokie, << 'Aba, tomasisarakani ngonaka!>> Koge'ena wongoseka de wosongenokau.

Gee ya'adono 'o ngii moi ma ronga << 'O Saeke ma Kobongo ma Ngii>>, de 'o Yesus wisidele 'o salipoka. De yamididi yoruta-ruta go'ona mita yakisidele, wimoi 'o Yesus 'awi giniraoka de wimoi 'awi gubalioka.

Poilia 'o wange 'ikorona de ma daeraa ge'ena 'itarusu ka ma moiku sigado 'o wange 'ilengeka, sababu 'o wange koisiwaruwa so. De ma Jo'oungu ma Dutu 'awi Ngii ma da-datoko 'iside-sideluku ge'ena 'iracanga 'itaga modidioka.

'O tentara manga balusu gee wamake 'okia naga 'idadiokau, de wisiarene ma Jo'oungu ma Dutu. Ge'enaka de kawongosekau, <<Ma gou-goungu to 'una 'awi sala koi'iwa!>>