Popular Bible Verses from 'O Lukas 14

Share

<<Nako 'o nyawa yoboa ngoino ma ngale 'imoteke, ge'ena salingou ngoino 'ifoloi 'isibosono. Nako 'ifoloi yosibosono ka manga 'esaka, manga deaka, manga wekatika, manga ngowa-ngowakika, manga riaka dodotika, de 'ifoloiosi ka 'ona ma sireteka, 'ona koidadiwa yodadi 'ai do-domoteke.

De nago'ona yooluku 'imoteke de yooluku yamoku 'o salip, koyadaenuwa yodadi 'ai do-domoteke.

Sababu 'o nyawa gee yomadaduie ge'ena ma Jo'oungu ma Dutu 'asa wakisidaduuku. Ma gee yomasidaduuku 'asa wakisidaduie.>>

Ma duanguku 'o Yesus wongose, <<Koge'enali mita ngini. Komoiwa moi nginioka naga niodadi to ngoi 'ai do-domoteke, nako koniamadawa 'ania kia sonaa 'iodumu.>>

Nako nginioka naga wimoi womau 'o woa 'ikuru-kurutie wosigoko, ma raiokau dua 'isira wadoimokasi ma pipi la wanako ya'adonokau sigado 'isiduanga bolo ko'uwa. Sababu nako 'una kowa'akunuwa wosiduanga, 'ena ma fandasi ma de ma 'enau, ge'ena dua 'o nyawa yoodumu yamake-make gee yorisela 'awi manarama ge'ena. 'Ona dua kayongosekau, <Tei, 'o nyawa nu'una wosigoko ma kowa'akunuwa wosiduanga!>

So nako ngona 'o rame nodiai ge'ena yaowa naki'asoko 'o nyawa yosusa-susa, yobo-bolohi, yolugu-lugu, de yorau-rau. Ngona 'asa nosanangioka sababu 'ona koya'akunuwa yabalasi 'ani singina ma sure ge'ena, ma ma Jo'oungu ma Dutu 'asa woniparasengi ma 'orasi 'o nyawa yoti-tiai yakisimomiki 'o songenoka.>>

<< 'O gasi ge'ena yaowa, ma nako kaiso-somoau ge'ena koidadiwau padiai 'iosali. Ma faedaa koi'iwau ma ngale 'o bairoka bolo 'o joro posibo-bero ma. So kaya'umo. Nako de nia ngaukoka de nio'isenika!>>