Popular Bible Verses from 'O Yohanes 15

Share

Ma gou-goungu ngoi 'isoka 'o 'anggur ma roese, de ngini ma sago-sago. 'O nyawa gee tatapu de de ngoi de ngoi de de 'ona, 'ona ge'ena 'isoka 'o 'angguroli tanu ma sowoko 'o gudaioka. Sababu ko de ngoiwa, ngini konimado-do'oawa.

Ngini salingou tatapu de de ngoi, de ngoi tatapu de de ngini. 'Isoka 'o 'angguroli nako ka ma roesoka duga ge'ena koidadiwa 'isowoko. So nako 'imau 'isowoko ge'ena salingou 'uwa 'imasipidili ma roesoka. Koge'enali mita ngini 'idadi niadiai 'okia sonaa yaowa-owa nako ngini konimasipidiluwa de de ngoi.

Nako ngini tatapu nimarimoi de de ngoi de 'ai do-dotoko naga 'ania singinaka, 'okia naga bato niomau nioga'asoko 'ai Deaka, ge'ena 'asa nimadamake.

Ngoi ne'ena ko nginiwa niiriki, so 'ena ngoi tiniiriki ngini de tinisuloko niotagi niadiai 'ai manarama la de ma sowoko, de ma sowoko gee koito-torouwau. La 'ai Dea 'asa winikula 'okia naga bato nioga'asoko 'unaka de to ngoi 'ai pareta.

'O dora gee 'ifoloi 'iamoko ge'ena la yakiriwo manga manai sigado ngaro yosongene ma yomodeke.

Ma 'anggur ma sago gee koisowo-sowokuwa ge'ena ma bairi wodi-diai gu'una wa'oto, de ma sago gee 'isowo-sowoko ge'ena wodetebini, la ma sowoko 'ifoloiosi 'ikudaioka.

Nanedau tinisulo-suloko ge'ena la: Nimakadora moi de moi, 'isoka ngoi tinidora ngini.

Nako ngini 'ikudai niadiai yaowa-owa, ge'ena 'ai Dea wisitedene. Ma ngekomo ge'ena ngini ma gou-goungu niodadi 'ai do-domoteke.

'O Yesus wongoseli, <<Ngoi ne'ena 'isoka 'o 'anggur ma gou-goungu ma roese, de 'ai Dea 'una ge'ena ma 'anggur ma bairi wodi-diai.

'O nyawa gee koyotatapukuwa ngoioka, 'asa yaki'umo 'isoka 'o 'anggur ma sago-sago gee koisowokuwa so ya'oto de ya'umo. So gee 'i'osauku 'asa de yatoomu so yositaulu.

'Iodumu ne'ena tosidemo nginika, la ngini niomorene sababu ngoi, de to ngini 'ania morene 'idadi 'itotomo.

Nako ngini niamoteke 'ai pareta moi-moi, ngini tatapu nio'ahu 'ai dora ma sigoronaka. 'Isoka ngoi tatapu 'o Dea 'awi dora ma sigoronaka, sababu tamoteke 'awi pareta moi-moi.

Naneda to ngoi 'ai besesongo nginika: Niomasikabosono moi de moi.>>

Nako ngini niomarimoi de 'o nyawa 'o duniaka gee koyamotekuwa ma Jo'oungu ma Dutu 'awi mau, ma raiokau 'ona 'asa nisibosono. Ma ngoi tiniirikokau 'o duniaka ne'ena ma ngale nimoteke ngoi, so ngini konimarimoiwau de de 'ona. Ge'enau so 'ona nidu'uduku nginika.