Popular Bible Verses from 'O Yohanes 1

Share

Ma 'o nyawa 'iodumu gee widawongo de wingaku 'unaka, wakidiai 'ona yodadi ma Jo'oungu ma Dutu 'awi ngowa-ngowaka.

Ma sira ka 'o dunia ma koisidadikuwasi 'ena 'una gee wisironga 'o Demo 'una nagau. 'O demo 'una ge'ena naga de ma Jo'oungu ma Dutu de 'una kaimatero de ma Jo'oungu ma Dutu.

'O darangi ge'ena 'isiwara 'o darusu ma dodaka de 'o darusu koya'akunuwa yasongene 'o darangi ge'ena.

'O Demo gu'una womadadiokau 'o nyawa, de womanoa naga ngoneka, de ngone pamakekau 'awi kumati. 'Awi kumati ge'ena ma Jo'oungu ma Dutuno to 'una 'awi Dea. Ngano 'una ge'ena ma Jo'oungu ma Dutu 'awi Ngowaka womatengo-tengoka. Ma ngekomo 'una, ngone pakokimake ma Jo'oungu ma Dutu 'awi singina ma sure de 'awi dora, de posironga wotiaioka.

'O sagala moi-moi 'isikokidadi ma ngekomo 'una. Nako ko 'unawa ge'ena 'okia sonaa 'iodumu 'idadi-dadiku gee ka moi ma koi'iwa. 'O Demo 'una ge'ena 'o 'ahu ma titi. De 'o 'ahu ma titi gu'una wo'asa 'o darangi 'o nyawaka.

Ko ma bibinoka de 'o Yohanes wimake 'o Yesus woboa 'unano. De 'o Yohanes kawongosekau, <<Ee, gudaue ma Jo'oungu ma Dutu 'awi Domba ma Ngowaka gee wadua-duangou ma ngale watuusu 'o nyawa 'o duniaka ma so-sowono.

Ngaro 'o dunia de ma doda 'isidadi ma ngekomo 'una, ma gee 'una woboano 'o duniaka, 'o dunia ma nyawa kowinakowa ma ngale kowingakuwa. 'Una woboa 'awi daeraano ma 'awi nyawa-nyawa kowisidabinowa.

'O darangi ma dutu gee yakidisiwara 'o nyawa 'iodumika naga 'iboakau 'o duniano.

Ma Jou 'awi besesongo wonakula ma ngekomo 'o Musa, ma ma Jo'oungu ma Dutu 'awi dora de 'awi di-diai gee 'itiai ma sala ngoneno wosidumutu ma ngekomo ma Yesus Kristus.