Popular Bible Verses from 'O Su-suloko 20

Share

Naga 'o sagala moi-moioka ngoi tosidumutokau 'ai 'ahu ma sigoronaka 'ato pomakuata pomanarama kone'ena, ge'ena salingou pakiriwo 'o nyawa gee koyomado-do'oawa. Sababu ngone salingou pongano-nganono 'okia naga ma Jou Yesus wongosekau, <Podawongo de pokula 'ifoloi 'isanangi pokula.> >>

Ma ngoi kotododatowa ma ngale tosongene, 'itilai tosiduanga 'ai manarama gee ma Jou Yesus woikula-kulano. De 'itilai tosingounu sigado 'ai 'ahu ma do-dogumika ma ngale tositotara 'o Habari ma Owa, ge'ena la ma Jo'oungu ma Dutu wi singina ma sure.

Tanu ngini ma sirete nimajaga, de niakijaga 'o jamati 'iodumu mita gee 'o Ngomasa 'Itebi-tebini nisito-togumokau nginika ma ngale niakijaga. Sababu ngini 'o Ngomasa 'Itebi-tebini niirikokau ma ngale niakisilega-lega 'o jamati ge'ena. Tanu ngini niasowohi ma Jo'oungu ma Dutu wi jamati 'isoka 'o nyawa 'o domba yoso-sowohi manga domba yojaga, sababu 'o jamati ge'ena ma Jo'oungu ma Dutu watuusokau wadiai to 'unau ma sirete, ma ngekomo 'awi Ngowaka ma sirete wosongene.

Ne'ena ngoi tinisisarakani ma Jo'oungu ma Dutuka la 'una winipaliara de nimasinganono 'awi singina ma sure ma habarika. Ma Jo'oungu ma Dutu 'awi kuasa de ma 'ena ma ngale winisikuata de winikula 'o co-catu gee wadua-duangou ma ngale 'awi nyawa 'iodumu.