Popular Bible Verses from Markus 6

Share

Mayta po waktu ta néi, kyat ta rwóm re ta réléyé né tadélé félé, sogado Yesusé I re ni motemote nesté bo rémnómé ma bisa pa. Se Yesusé nécegé ni motemote nesté faje, “Mew lima, tfan néli po géwgów ta béklingéné lo né, bo tfatóiné it facuci.”

Bóngo Yesusé ncónglo si, “Fatuwé ro, iga nabi faisó ga nfan po kyaté ni pnuwé, rlongé i fié. Mayta bo néléy po ni pnuwé lo né, fténo re remó spalé luwé né sogado ga kyat ta po ni umé wlólo né ma, rlongé i pa.”

Waktu ta Yesusé ntebé nélew po bóténé lo, se némnawé kyat félé ta réftón I pocé né. Bóngo nmésié si, sababta nfatailo si né tadolo domba ta re riri wlón pa, se isó nfaménawé si pa né. Pocé, bóngo Yesusé nfasodoto si félé.

Yesusé npe mujizat po ni pnuwé lo né, maduga cuci le, sababta kyaté né rdélé I pa. Se maduga nétewlé be fao po kyat séfis néli ta rpisé né se rfié si. Pocé Yesusé télél I, sababta kyat ta pocé né rdélé I pa. Rewóré ta néi, Yesusé nfané se nfasodoto kyat po pnuw re pnuwé.

Rewóré ta néi, Yesusé nyó roti pélim re in séluwé né, bóngo nékngól néya langété lo, ga néceg tarima kasi po Jou Lahatala ni. Rewóré, ga nfakpekté roti né, se npo ni motemote nesté bo rfanténo kyat ta félé né. Fajé nóté re in séluwé né. Nyó ga npo ni motemote nesté, bo rfanténo kyaté né nóté. Se férimé kyat ta pocé né rémnóm sogado rmesé. Rémnómé rewóré, Yesusé ni motemote nesté rfajólo in re roti ni gléo né, ni féléo lélógéi yófésó re paluwé né békbaké ndimé.