Popular Bible Verses from Matius 7

Share

Yesusé nécegé nóté, “Féror sói néli po Jou Lahatala ni ro, I nase ndo mewé. Féyówé sói néli po Jou ni, nase fduké. Ftoké ni ngówéné njé, nase népilé se n'gali mewé.

Sababta kyat pai le ta néroré nase ndo i, kyat pai le ta néyówé nase nduké, kyat pai le ta ntoké ni ngówéné, nase népilé se n'gali i.

Yesusé nécegé nóté, “Kyat pai le ta nlongé Ya kécegé nte ga npe, kfatailo i né tadolo kyat isó ta npande se nfawoslé ni umé njé po fandasi lóy papo lo se nkuaté né.

Se, sói le ta fié se wlomi ncuka bo kyaté né rpe po mew ni, mewé ma mare fpe ta fié po kyaté nóté. Re iga fpe ta fié po kyaté, necé tadolo re fdéréré ta rlefo po Musa ni kitab abén limé né, re po nabi-nabi ta iglé né riri kitabé wlólo né.”

Mayta iga fsungé ga fdélo ngówén ta némsóy pa njé, pocé nase fhidup re Jou Lahatala sogado fajé néli le. Sababta iga bo tdé pocé, ni yéféné njé tadélé nkangelangé, bóngo kyat ta bo rdé pocé né maduga cuci le.”

Yesusé nécegé nóté, “Fsungé ro, fdélo ngówén ta némsóy pa njé! Sababta, iga fsungé ga fdélo ngówén ta némsóyé njé, nejé bo tfan po naraka lo, ni yéféné njé nkangelang pa, bóngo kyat félé ta rdé pocé.

Se masike wlomi né lé, mayta funé fpo ta fié po ntumi né ni. Néga bo nimi Moke Jou Lahatala ta I po soroga lo njé! I tadélé nuné fié npo ta fié po kyaté-kyat ta réroro I né.

Yesusé nécegé nóté, “Ndél pa bo ffasólo kyaté, bo Jou Lahatala ma nfasólo mew pa. Sababta iga wlomi ncuka ffasólo kyaté, mewé ma Jou Lahatala nase nfasólo mewé nóté. Se iga bo fasuté kyaté róri sélsólé, Jou Lahatala ma nase nasut menómi sélsólé né tadolo fajé nóté.

Mayta kyat pai le ta nlongé Ya kécegé né ga npe pa, kfatailo i tadolo kyat ta nuné ni gélesó pa se nfawoslé ni umé njé po sésé papo lo.

Mewé wlomi ncuka bo ftarukira be kyaté róri sélsól ta cuci le né, mayta menómi sélsól ta pélóyé né ga ffaténgné keé! Necé kfatailo dolo reni ayé ni wómo cuci ta i po kyat iglé mtó lo né bisa fémnaw i, mayta balak wóm ta nféketé keé mtómi njé ga fémnaw i pa. Se necé tadolo ay wómo cuci ta i po nimi délé njé ni mtó lo né fécegé bo mewé ta fésólé i, momongo reni balak ponlóy ta i po mtómi lo njé ga ffaténgné keé i.

Yesusé nécegé nóté, “Mewé mare fpe mew fafié, sababta nase reni kyat ta rwómé né récegé cogo Jou Lahatala ni nabi si se bo rfawómo I ni faftóté né, momongo bo rlólé mewé. Tangóto si né wlori fié, tadolo domba ta rmamufé né, momongo po wlori wlólo né lé ndimé, dolo yaw banga né se ma fdélé si na. Iga fémnaw ta si rpe né, bóngo nase funé si. Necé tadolo gamuné ta gémgaméné, nuén fisé ga pyono angguré, pari pyono ara né?

Férimé ay ta békboké né, nase ni pyono né ma fié ndimé. Mayta iga ay ta békboké pa, ni pyono né ma nase lé ndimé.

Nuén fisé bo ay ta békboké ga tduké ni pyono ta lé né, pari ay ta békboké pa ga bo tduké ni pyono ta fié né?

Se iga ay faisó ga népyon lé, kyaté né nase rcélép i se rtapéné keé i.