Popular Bible Verses from Markus 13

Share

Tamolpain daŋan ŋainag neagoi dezezeŋanaŋoi. Ge me i segatig madoime wadanlonpa i tetazi ŋalewoi.

Dab anau, amazazpa amado, aŋ so aloŋ saen saŋeptap iduwoilakoi.

I betenaeklon duduzaŋpa i nimadinlon donoaŋmap aŋ dodin ta aboloi mewoi lami so kankan mon, tea, azu saen melon panaŋmap me aboloi, aŋ so abolame, tea, Uzgun i aŋlon iboloi.

Did mai tan mai dibinip dilawoi, ge ŋainag azu so biniwoi.

Ta i nal aur me mai so iloŋime, didnen eŋel tea, Ai mai tea, Mam i mon.

Aŋ juoi aloŋoi, ju inan azu biŋ mai itasawoi, aŋ so azut mon, abaŋ me idu mokoi, ge me saen wadan tea.

Mewoi aŋ amazazpa amado, aŋ so aloŋ abfun saŋeptap isowoi, juzalon, tea, tidom loan tat, kekazek alanlon, tea, bomon tat. Teamap i pasak isemap o uwen padalmap madowoi. Ŋa aŋ ŋapaiaŋŋame, e daŋan mai ŋipidinŋame, Amazazpa amado.

Fatu ta inan daup me fatu aenta inan me daŋewoi, kiŋdom ta me kiŋdom aenta daŋewoi. Mim mai aben ibenibenlon diduwoi, pitol mai ienoi. Ge abaŋ e daŋan alan nauknen fun mon.

Malan totol gamun me fatufatulon fun deflalewoi.

Kuzum ŋainag neaglon disop diboloi, Ŋa ŋan i, meginpe kuzum se diwizidinoi.

Dab anau, i nadin temaneklon donoaŋoi, ubouablon dugusulaŋoi, ŋawoi kiŋ gowerner mai noadinnen donoaŋpa atiuzmap aŋ i meladinlon ŋa isigianagoi.

Kristus sekauk, profet sekauk mai dimaispa bagoz maŋau kubel mai beŋten denauwoi, denaunen diloŋmap pilianekgaz mai se diwizidinoi.

Saen me inan modoanek uzip ad inaup mafuzoi, fulei mai so lelamanoi, patui mai didlonpa dibal diduwoi, didnen tiwon mai niniwoi.