Popular Bible Verses from Mateus 28

Share

Mewoi aŋ alap panupanuwain ŋainag meglaum aŋalp aflana. Kagin ŋa aŋ ŋepaiaŋlak me kabe apeteŋana, i mai duzi depaniwoi. Anasi, aŋ sebami tea, ŋa aŋ maip temadowoi, saen geglonpe.

Jesus iseg ipidin, Ŋa abaŋ daŋan gaten ŋemadowoi panaglak, didlon tanlak mai.

Ge eŋel pain ipidin, Aŋ so azez mon! Ŋa ŋaloŋ aŋ Nasaretwain Jesus, jakebazeklak dezailak, me abezaniame. I en tea, i mug imais, i ibollak egin. Asop, tamolpain ienlak aben anasi.

Meginge Jesus ipidin, Aŋ so azez mon, alap ŋainag taiggaz pidinpa i Galileanen dilawoi, melak i denasagoi.

I matugaz mai detemanig dikibiailag i opas gaŋmalan dipinidinge dibol, Tamolpain pidin, Tidomlon am aen apadalmeg inan meglaum diseg sesanun ponau deŋale. Gowerner azu e iloŋmap am auan ubutunip to iboloi, aŋ segauz amadowoi. Meginge i gaŋmalan deŋaleg kibiai dipinidinlak megin denau. Azu e get ilonlon sai dianilak, gazo mai ienime.