Popular Bible Verses from Lukas 14

Share

Ta izignen isetap, ge inan taman, tinan, iwon, nanungaz, taingaz, liungaz, siben tinin inan bas mai so zezeŋanaime, i ŋainag meglaum tea.

Ta i inan jakebazek so joazep uzagime, i ŋainag meglaum tea.

Tamol i siben bise latnen inau, i ŋalep tanlak iduwoi, ta i siben izae idulak me isou itasawoi.

Megin mai ta i inan abaŋ daŋan so zezeŋanap bitaime, i inag meglaum teabe.

It mon ab sasewoi ibol, ge i get ab biabi inan gaŋmalan ilon so gazeime, i sasenen iloŋ tat, gaŋmalan dadon isag ien tat? Teatap gazop fun inaulap, sase bininen so iloŋmap aenta i denasip didiwa depanip, diboloi. Tamol me bo ab sasewoi ibolge bag igun, ge sase bininen so iloŋlak.

Tea, o tuz nauwoimap, o tamolpain waiz, tinidin kesepazup, niedin zegaig, meladin itau a daŋan pidinpe, disowoi; i naon depanonen so diloŋlakoi, ge gazop tamolpain taoz nadin tiziaulon o naon ŋalewoi.

Mastaen i bo gauai; ge mastaen katizkatiztap aitlon faun mug tiwon paniwoi? I mug tanlon gauai tea, dazuktaenlon mai gauai teabe, id se mon tesezanetame. Ta i tiliŋan gauaidaŋantap azu e iloŋ.