Popular Bible Verses from Yohane 21

Share

Bɛdidi bɛyiele ne, Yesu bisale Petro kyɛ: “Simon, Yohane awa, ɛdɔ me tra ɛhemɔ?” Petro hane kyɛ: “Yoo, Awurade, ɛse kyɛ medɔ wɔ.” Yesu ha hyirele ye kyɛ: “Ma me mmoan ne aleɛ.” Yesu sa bisale ye bieku kyɛ: “Simon, Yohane awa, ɛdɔ me?” Petro hane kyɛ: “Yoo, Awurade, ɛse kyɛ mekuro wɔ dwirɛ.” Yesu ha hyirele ye kyɛ: “Nea me mmoan naso.” Osa bisale ye pɛn nza so kyɛ: “Simon, Yohane awa, ɛkuro me dwirɛ?” Na Petro wora bɔle kyɛ wabisa ye pɛn nza kyɛ, “Aso ekuro me dwirɛ?” Yeti ɔha hyirele ye kyɛ: “Awurade, ɛse nikye biala, ɛse kyɛ mekuro wɔ dwirɛ.” Yesu ha hyirele ye kyɛ: “Ma me mmoan ne aleɛ.

Nahorɛ paa bɔ meka mekyire wɔ yeɛ ole kyɛ, mmerɛ bɔ ne ɛte abrandeɛ ne, wɔ bɔbɔ yeɛ ne ewura wɔ atadeɛ nate kɔ nekaa biala bɔ ekuro ɔ, nakoso sɛ ɛyɛ aworowaa a, ɛkɔ tengyɛ wɔ sa, ná ebie awura wɔ atadeɛ, ná wafa wɔ wahɔ nekaa bɔ okuro ɔ.”

Yeɛ ɔha hyirele bɛ kyɛ: “Ɛmɔgua nɛt ne wɔ ɛlɛen ne famaa so, na ɛmɔ konya bie.” Yeti bɛyɛle ye sɔ, na egyein bɔ bɛhyele bɛ ne, né bɛngora nɛt ne po twetwe.

Yeɛ Simon Petro ha hyirele bɛ kyɛ: “Me kwaahye gyein.” Na bɛha bɛhyirele ye kyɛ: “Yɛ ne wɔ kɔhɔ.” Yeti bɛfite bɛɛfole ɛlɛen bɛhɔle, nakoso kɔngɔen namu, bannya kõ po.