Popular Bible Verses from Matie 24

Share

Onge bɛn obi kieel olɔɔ kɛn onge olɔɔ, dzii e baal bibi ekieel ekwal. Kɛn a wu akieel akuru ɔ̃kwal tiil ntɔ, wu akieel abvuul.

Obobɔ, Nsia yi Ngesɛ y'Okwɛn yi, akieel atsal yɔ m'ɔ̃kiri a nsie wueel. Oŋɔ̃ me lio olɔ, ntɔ a ɔ̃kiri ètɔ.»

Byɛ èyoo ɔ̃sam wu ãmvel ye wu ɔ̃nyiin wu ãmvel, oŋɔ̃ ɛ̃kwal ɛ̃ byɛ ɛ̃bee ke ywel okal. Ke ngwel wɛ, ebvaan kwɛn ãndɔɔ omɔ̃ ãbwel. Kɛn oyɔ kieel k'ekal ntɔ a ɔ̃kiri kɛn wɛ.

Nzal-a-ŋɛn, ɔ̃kiri ngɔmɔ̃ akieel adzwaan ye wumɔ̃, okwɛn ngɔmɔ̃ hɛ̃ okieel odzwaan ye bokyɛ. M'ãmboo bibi, ekieel ekal y'ɛ̃lɔɔ, nsie hɛ̃ ekieel enziool nzuru. Ãndɔɔ omɔ̃ mbueel ãkieel ãkal onge obɛɛn b'obaan o mwiĩ b'eyoo ɔ̃kaal wu oyii ayi oburu.

Ywel ye nsie ekieel ebwel, kɛn ãyɛɛn ã mɛ̃ kieel k'ãbwel mam wɛ.»

Ke ngwel wɛ, baal bibi akieel aya me nkuũ a mɛ̃ ndiri: “Mɛ̃ ndi Mãsia” bvool bɔ akieel apfuru ɔ̃bɔbɔ a baal.

Obobɔ, akieel atiɔ byɛ kwɛn atuaal byɛ mpal, bvool akieel abam byɛ. Ãyam ã baal mbueel ãkieel ãbyal byɛ me ndɔɔ a nkuũ a mɛ̃. M'emfa okyɛ, baal bibi akieel ayɔɔl okiool. Bɔ akieel atiɔ bakyɛ bam-a-bam, akieel abyal bakyɛ bam-a-bam. Aliaal-ɛ̃kiɛɛn a mfya bibi akieel apal bvool apfuru ɔ̃bɔbɔ a baal.

Ndɛ bu abveel bɔ bubu: «Ekal y'onkyab, kwɛn mbuul abee byɛ opfuru.

Obɔ otsɛn bɛn, byɛ hɛ̃, ewal ɔ̃yɛɛl! Ke ngwel wɛ, byɛ k'eyɛɛ lio li èya Muaan a mbuul wɛ.»

Obobɔ, ekal angɔ-mwiĩ, ke ngwel wɛ byɛ k'eyɛɛ tsoo li ekieel eya Mfam a byɛ wɛ.

«Me b'otal tsoo ye lio, mbuul wu oyɛɛ mɔ̃ pyɛ, onkyam ãnzwel ke ywel, onkyam Muaan, kɛn a Taal ndyam.

Ke ngwel wɛ, amãsia ba mfya y'aliaal-ɛ̃kiɛɛn a mfya akieel apal. Bɔ akieel asa ãndɔɔ m'ãnɛn y'emvieel, me ndɔɔ yi apfuru baal. Okɛɛn bɔ akoo, bɔ àpfuru onkyam baal b'ésueel Nziã.

Ŋ'ekieel eya Muaan a mbuul, ãndɔɔ ãkieel ãbwel onge m'ébwel mɔ̃ me lio e Nowa. Ke ngwel wɛ, ŋ'ɛ̃kwel ye k'ebva mpel yi nɛn, baal ákedza bvool ákenywã, ákebaal bvool ákewa baan a bɔ k'ãbal, tiil tsoo li ésam Nowa onse ebɛɛ. Kɛn a bɔ, yi ékeyɛɛ bɔ yam pyɛ, tiil ye k'ebvi mpel yi enɛn, ebam baal bam bueel. Ekieel ekal emfa kiki me lio li ekieel eya Muaan a mbuul.