Popular Bible Verses from GEN 32

Share

Ülepei leha utoto kilü: "Inhalü leha Jakoi eititü inhümingoi, Isigaeui leha hüle eitanümingo, Deusu akeha eikindühügü atehe ukugeko ake gehale, igelüko leha eheke", nügü leha iheke Jako heke.

Ülepeiha utoto kilü: "Uopokinekeha utetomi leha, ahegititagü naha leha igei". Ülepeiha Jako heke itüjü: "Inhalüha eunümingoi uheke, aetsingoi tsügütse hüle hekite uüigote eheke eunümingo eheke", Jako kilü leha iheke.

Tüindzase leha atai enenongo imüto. Aetsiha utoto enhügü, ülepei leha ikimbalü iheke ahegitilü geleha tikinduko heke.

Ülepeiha nügü iheke: "Deusu ingilüha egei uheke imüpehenga hekuguha, ãde geleha uge tingugi", üle ateheha Jako heke itsatühügüko ititü tüilü Penigeui.

Utoto heke leha itsotsindu ingilütse ingugi, Jako apilü leha iheke ihitü kaenga, ihikutuĩjü leha iheke ikunkgenümi ikinduko hata.

Ülepeiha utoto heke ijeginügü: "Ungua nile eititü anügü?", nügüha iheke. "Jako ugei", nügü leha iheke.

Ülepeiha Jako heke ijeginügü: "Osiha etigakeha uinha", Jako kilüha iheke. "Tuhuti tsünaha eheke uge", nügü leha iheke. Ülepei leha tita hekite tüilü iheke.

Hekini ekugu naha hüle egei, tetüi leha einhalü tipaki uahetinhombalüti atai. Aitsüküngo hüngü naha hüle ugei tipaki geleha hekite uigengalü eheke. Johudãu hankgugingagü inkgugetoteha uheke hotugui gele Hagãna utegote, uãtuhisü tsügütseha uãke ungipi, ãde leha ugopitsagü takikoha ukugeko gepagü ngeneko tuhugu gehaleha uake.

Üle ateheha, ãde geleha ige hunda, Isigaeuko higükuẽgükope heke ngene hitü hungupe engenu, Jako apipügüpe ateheha itsaenga.

Ülepei leha Jako kilü Deusu heke igia: "Inkeha ungaũpügü Apagahãu Deususü, apaha Isaki Deususü gehale, KUKANETÜGÜ, ekilüha uãke uheke: 'Ogopitseha eüngati, ehisũüdãoko inha uimbata taka etelüingo; hekite tsaha egei einhümingo', ekilüha uãke uheke.

Uhisũügü Esau etsagüha egei, uinegetundagü leha inha uetüingiha iheke, uhitsãope kugiti ulimo ake. Luale ataiti kukinhankgike.