Popular Bible Verses from Mat 10

Share

“Aip ru, iakamhaliatɨv kamiar tɨnakaivkɨrin sipsip min lənki kuri iatipɨn min. To nar ka, pəs tɨnakarinərɨk kəma snek min, mamailiwək mərɨk kəma iouin min.

“Iərəm ramɨni məma rɨnos nəmiuhan, nəmiuhan tahan tɨrɨlue, mɨro iərəm nəmiuhan tahan ramɨlue ton Io, in tɨros nəmiuhan.

“Kəni ɨsarəgninan nərəm takarho nɨpəlakɨtil, mɨro kɨseisanənan to nhoan nanɨmɨtil. Mɨro pəs tɨnakarəgnin iərəm rɨsanən məma tɨrətakɨn-uas nɨpəlakɨn ne nanɨmɨn lə nɨkəm lilɨn.

“Kəni iərəm tɨrɨsləsan nɨk aluauin tahan mamoatisɨgin Io rɨsavkɨran məma tɨrva tahak.

“To nar ka, iərəm tɨrɨni apu Io lə nɨmrɨ nərəmim, Io mɨn sɨpɨni apu in lə nɨmrɨ Rɨmok iərəm ramarɨk lə neai. “Mɨro iərəm tɨrapnin Io lə nɨmrɨ nərəmim, Io sɨpapnin mɨn in lə nɨmrɨ Rɨmok iərəm ramarɨk lə neai.

“Tɨnakarol ɨvt nərəmim lə nɨmɨsan thɨnilar, marol ɨvt nərəmim leprosi ramol ilar, marosit nərəmim kɨnarɨmɨs, mhailiatɨv nanɨmɨn tat min. Nɨsanənan ɨk namaros lə navre-aman. Pəs tɨnakarofən kəm nərəmim lə navre-aman mɨn.

“To nar ka, ɨsarəgɨnan, mɨro-in-ka nɨrouan thəmiar ripɨr ɨpɨk rapitha kleplepɨn min ripɨr.

“Nɨkimiar tɨrɨshoan məma iɨva məma sakəlhau nɨmɨlinuan lə tən ɨk. Iɨmɨsvean məma sakəlhau nɨmɨlinuan, mɨro məma sakos nau əpomh taha nəluakɨnan rɨva.